حلمت بجني

السلام عليكم يابنات عساكم كلكم طيبات

حبيباتي انا لي فترة عندي شغله ومو راضيه تصير لي ومن شهور وانا ماعندي غير البكي احس روحي مشوشه وستين الف فكره تجي في بالي اتعوذ من ابليس واستغفر مرات تشوفوني يائسة تماما ومرات متفائلة ومرات أقول ربي ما بخيب املي فيه وهاذي شغله مهمة لحياتي ..

المهم اني سمعت انه مش كويس انه واحد يبكي وينام يجيه مس حاجة زي كذا صحيح هالكلام او لا علومني يابنات ترا مو ناقصه اللي فيني مكفيني ..

وبرضو بسألكم انا قبل فتره حلمت بجني كان يبي يخنقني وجلست اقرا المعوذات وراح عني وقالي انا باروح بس برجع اجي وانا اقوله لا انا الله معاي ..

واليوم اول ما داومت جيت اكتب لكم على طول ضايق صدري مره صار لي 3 أيام بس ابكي والله حيل تعبانه ونمت البارح وانا ابكي اختنقت من البكي ومع كل هذا متفائله انه ربي بيوقف معاي والبارح مااظل حلم مزعج ماحلمته حلمت في بيت قديم هذا في حينا بس انهدم وكأنه جاتلي منه جنيه وكانت تكلمني وقالت انا مقدر اجيك على طول اخاف حد يشوفني وانا كنت اشكرها انها جتني وبعدها جلست مع حرمة مااعرفها ومااذكر وجهها انا وامي وكأنها تقرأ الكف وقالت لي اللي تبينه مالك نصيب فيه ولبستني اسوار بيدي لا واللي ضحكني ماادري ليه قالت لي اني راح اتزوج واحد عراقي وش دخل هذا بالموضوع ماادري ..

وجلست مره متضايقه واتعوذ من ابليس وماقدرت ارجع انام حتى خفت من غرفتي ..

يابنات علموني وش هذا هل مجرد خرابيط احلام لاني نايمه وانا ابكي ولان لي فتره ابي هالشغله ومو راضيه تصير والا ايش؟؟؟

انتظركم على احر من الجمر وادعولي يابنات تتيسر اموري والله حاسه روحي مخنوقه وتعبانه حيل حيل