حلمت وش نوع جنيني قبل اروح اشوف السونار/يوجد قسم للرؤى

السلام عليكم ياحوامل وامهات
انا عندي بنت الله يسعدها وعمرها سنتين والحين حامل بالشهر الرابع امس سبحان الله قبل اروح موعدي مع الدكتورة جاني حلم بنامي وشفت نفسي بالحلم ماسكه السونار بيدي واحطي على بطني واذكر اني شفت عضو بنت وكانت الغرفه الي انا فيها مطله على محل سنتر بوينت ودكتورتي تتقضى منه خلصت وجت بتشوف بالسونار لي انا قلت لها ترى اعرف وش نوعه واكدت لي انه بنت طبعا طلعت السوق سنتر بوينت وكنت متضايقه واطالع ملابس الاولاد واقول كان نفسي اروح هالقسم ....................الموووهيم صحيت من النوم ورحت الموعد وقالت لي نفس الي شفته بالحلم 70% بنت ومدري ليش ضاق صدري وحاولت اتعوذ من الشيطان وزوجي قالي اهم شي العافيه وانا اردد احمدلله كله من عند ربي
بعدين رجعت البيت ومارست حياتي الطبيعيه عادي جدا لحد وقت النوم وتحلمت اني اسمع زوجي يقولي مادري ليش حاس انها ولد 100% وباخر الحلم شفت بنتي الجديده وهي بعمر كبيرة وقمت من النوم وانا فرحانه اني شفت شكلها وجلست اعاتب نفسي ليش زعلت من عطية الرحمن

انا عارفه بتقولون وش الهدف من موضوعك بس حبيت اسولف مع هالصبح مع الحوامل ام الكرشات والامهات وسلامتكم