السلام عليكم يابنات
راح ابداء على طول واقولكم الي حارق قلبي
انا بنت عشت بوسط اسره مفككه وعانيت كثير وكل الي تمنيته الاستقرار مع زوج يخاف الله واهل زوج يكونون لي اهل بس شوفوا الي صار
انا لي متزوجه تقريبا سنه وست شهور ومن يوم انخطبت هذاك اليوم وانا اسمع نغزات ودقات من اهل زوجي من اخواته وامه سبق لي وطرحت مشاكلي معهم هنا بكذا موضوع لاني بحاجه افضفض وابي احد يشور علي
اول شي بعد الخطبه جونا يتعشون عندنا بحكم اننا قرايب وقالت اخته لامها يايمه انا قلت لكم ثاني مره لاتاخذون من الاقارب علما كل حريم العيال اقارب للام انا وكل سلفاتي قرايب لبعض ولام ازواجنا الشهاده لله وضعي مع سلفاتي مافيه شي بس البلا من ام زوجي الله يهديها هي وبناتها الي تعبوني وجتني الامراض بسبتهم
المره الي بعدها بعد الملكه جتني قالت انتبهي للبس مانبي عاري ولا قصير المصيبه انها تعرفني وتعرف لبسي وتربيتي ولا ماكانت جت وخطبتني من البدايه وبعدين مالها دخل بلبسي ماله داعي تجي وتقولي الشي الثاني قالت ترى ابيك تبقين من المهر علشان تاثثون بالباقي اي مهر واي بطيخ يادوب يكفي حوستي وتبيني ابقي منه بلعت كلامها وسكتت ومرة الايام وتزوجت وانا بالكوشه نادت للعشاء ماتبي زفه واحسها اهانه بحقي وبلعتها كنت متفقه مع زوجي نروح فندق بس تفاجاءت اننا رحنا للبيت قالوا له اهله ليه تروح فندق وانت عندك جناح فوقنا ومجهز ومن هالحكي وقدروا يغيرون رايه ولا رحت الفندق وقلت ماعليش يابنت ورحنا شهر العسل جلسنا ثلاث ايام واتصلت امه قالت يالله ارجعوا بنروح نزور بنت اخوي والده قبل تطلع من الاربعين ورجعنا رابع يوم يعني ماتهنيت ولا كملت حتى اسبوع
وسكت ومشيت الامور مرت الايام وصارت لي ظروف خلال اسبوعين من زواجي توفى واحد من جماعتي وامي صار لها حادث وتعبت نفسيتي توني عروس وارافق بالمستشفيات الحمدالله على كل شي اذا جيت للبيت ابي ارتاح استلم الدق من اهله هو كان شغله بديره وانا بديره وكنت مضطره اقعد بجناحي مافيه مكان اروح له المهم كل يوم اسمع شي اذا نمت قامت القيامه يدقون علي يبوني اقوم انا اتعب بالمستشفى من المرافقه مع الوالده وماكنت اعرف انام واذا جيت بيتي ابي انوم لاني اعرف بروح استلم ولا راح انام المهم يدقون اذا مارديت دقوا على زوجي دق وينك ليه ماتردين على اهلي ياربي بس واسمع دق وهمز ولمز على اصلي ان الفلان السنتهم طويله الفلان قعاطى مع ان الشهاده لله القبيله الي انتمي لها معروفين بالكرم وامي وهي حرمه والله ماتعشيهم الا على ذبايح وانا من تزوجت ما اكل عندهم الا دجاج حتى بعز الجماعات الكبيره مايعرفون الا الدجاج اللحم بس من اضحى لاضحى استغفر الله بس واخرتها حنا القعاطى المهم تمر الايام وانا اسمع واسكت الين جاني ضغط وسكر الحمدالله على كل حال وصاروا يحكون بالحمل شفتي فلانه الي تزوجت معك الحين ولدت وعلانه الي تزوجت بعدك الحين حامل يا الله تعبني هالموضوووع ومرت الايام وانا بس اطنش ووصلت لمرحله معد اقدر اتحمل
وجاء يوم من الايام برمضان ووصلتني رساله على البلاك مدح بالقبايل ومن ضمنها اهل ديرتي وارسلتها للسته ومن ضمنهم اخت زوجي وردت علي قالت شوفي ترى هل ديرتكم فيهم مهابيل ومايخافون الله قلت ايه عادي كل القبايل فيها صالح وطالح زي اهل ديرتكم قالت انا اهلي مافيهم صالح يجي منك اكثر قهرتني يانااااس وسكت قالت خافي من الله ترى عندك اخ ليه تحرمين امي من ولدها وانا والله العظيم ماسويت شي انا ساكنه فوقهم والباب الي بيني وبينهم دايم مفتوح دايم ولدهم عندهم وهو رايح الدوام يصبح وهو راجع يمسي والمغرب ينزل يتقهوى معهم يعني ماحرمتهم من ولدهم مثل ماقالت جرحني كلامها وسكت والمصيبه هالانسانه ماعندها سالفه بالحياه فاغره بمعنى الكلمه بس معليش تعبت نفسيتي وطق سكري وبلعتها ومرت الايام وكل مالي اسمع من الحكي الي ينكد على الواحد عيشته هم كذا متبريه السنتهم منهم يرمون الكلام مايثمنون له بس انا وصلت مرحله معد اتحمل وموقف زوجي سخيف وما الومه اهله بس نفسي يرد اعتباري تعبت والله العظيم
اخرتها قدر الله لي وحملت والحمدالله فرحتي ماتوصف بس تنومت قبل العيد واستمريت لحد ثالث العيد وانا بالمشفى كلمتني ام زوجي اول مانومت قالت ودي اجيك بس بعيد وبناتي بيحطون عيالهم عندي بيروحن السوق قلت معذوره ياخاله تعب عليك لاتجين يكفي مكالمتك وابد عاذرتك قالت ايه ودي اجي بس اسياب المستشفى طويله وظهري يتعبني قلت لاتجين معذوره المهم اليوم الثاني زارتني اخت زوجي بس مو بنتها لا اخته من ابوه جتني وطلعت مني وكلمت خالتي قالت توني جايه من فلانه خالتي على بالها ماتبيهم يجون احسن منها وقررت تجي رغم انها تعذرت بس جت وطلعت مني وابد بدت تتشكى رحت لفلانه وتعبت من الطريق قهرتني محد قالها تجي وهي بتمن وتتشكى بهالجيه لا عاد اول مادخلت قالت براد ونظافه وتلفزيون وهدوء ماتبين الطلعه على كذا وهذي دقه منها يعني انك ماتبينا وبتفضلين المشفى علينا وقلت اشوى ان النوم مايهناني ودي ببيتي وشوي الا جاء اخوي عندي ودخلت تسولف عند المريضه الي جنبي ومن ضمن سوالفها قالت الاقارب عقارب وحريم العيال ومدري ايش وانا حبيبه وطيبه وبناتي كافين خيرهم شرهم مايحبون كثر الحكي وبناتي وبناتي تمدح بناتها وهم السنتهم تلوط اذانهم ويوم شبعت من الحكي قالت للي جنبي لاتقولين شي لمرت ولدي طيب وش حادك تحكين انتي جايه تزورين تخففين عني او جايه تسمين بدني اه يابنات مدري وش اسوي مدري وش انا غلطت فيه عشان يسون معي كذا المصيبه كلنا ياحريم عيالها قرايب لها الي بنت اخوها والي بنت اختها والي بنت عمها يعني كلنا قرايب والله يابنات اني ما اخليها من الهدايا كل فتره اشتري واعطيها واصلح حلاي وقهوتي وانزل لها والله لا اله الا هو اني في البدايه عادتها امي بس كل مره اسمع شي يقهر ولا ارد ولا اتكلم لان بيوم من الايام بيجيني زوجة ولد مابيها تردعلي والله اسكت وابلع الضيم والحين معد اقدر تعبت مدري وش الحل
وامس نزلت اسلم عليها وجلست شوي قالت هاه ماعندك نيه تروح تسلم على الفلان ترى لك فتره عنهم رح وسلم هالناس بديره ثانيه وقالت خذ خالتك معك تروح لهم امي مالها علاقه فيهم عشان تروح لهم بس كذا تبي امي تروح قال لها زوجي خالتي عندها ولدها قالت ليه استغنت عنك لقت لها سواق غيرك قهرتني والله العظيم امي شايله زوجي فوق راسها ودايم تدس عليه فلوس اذا حست انه مزنوق وتعطيه بدون ماتطلبه يردها رغم ان ظروفها صعبه وامه اذا عطته شي تذكره ترى اطلبك كذا وكذا ليه تروح تتمشى ماعطيتني الي عليك وليه وليه استغفر الله بس المهم هي قهرتني بكلمتها انك سواق لخالتك مع العلم اني دايم اطلب امي تروح معي لو طلعت لاني ارحمها ماعندها احد يوديها واخوي توه بادي يسوق بس ترفض تخاف انهم يقولون وداها وجابها وفعلا ماسلمت يابنات ادعولي ربي ينصرني وان كنت مخطيه ربي يهديني وشوروا علي وش اسوي ياااناس والله تعبت خصوصا مع بداية الحمل احس النفسيه دمار
وحيده 111 @ohydh_111
محررة برونزية
يلزم عليك تسجيل الدخول أولًا لكتابة تعليق.
الصفحة الأخيرة
اولا
شخصيتك حلوه والله سيجزيك ع صبرك
والله يرزقك راحه البال
طنشيهم
فكري باللي ببططنك وصحتك
وقومي الليل اطلبي الله يفرج كل هم لك
والله يوفقك ويرزقك ماتتممنني ..