الأمل الجوهري @alaml_algohry

عضوة جديدة

حلمي انكسر ومات قلبي معاه

السلام عليكم ورحمة الله وبركاته
عسى الكل بخير وعافيه وسعاده ان شاء الله
المهم .. مارح أطول عليكم وبدش في الموضوع الي قاعد على قلبي من يوم وانا ما اتذكر وانا الحين عمري 25 سنه .. متخرجه من الجامعه وموظفه ولله الحمد.
الموضوع يقول أني بنت منحوسه :dry: أنا والنحس أخوه وحبايب .. لما كنت صغيره تعرضت للتحرش أكثر من مره بس ماكنت اقل لأحد من الخوف .. واثر فيني الموضوع هذا نفسيا . في مره كلمت اهلي عن الي تحرشني بس ماقلت لهم الصدق قلت لهم انه بس حاول يخطفني وكان وجهي مزرق ومصفر وشاحب وعيوني غايره واكلي سار قليل ونومي كثير واسوينفسي ما ني متاثره ولا شي يعني على الأقل الناس يسألو ويحاولو مع الطفل كذا مره عشان يقلهم وش فيه لما يلاحظو عليه التغير هذا .. ببس ولا حد معبرني .. :44:
الموضوع سار حاله نفسيه اولا اقعد أكل شفايفي بسنوني او انتفها بيدي وما اكذب عليكم اني كم مره جاء فبالي اقطعها بمقص اوسكين ( افكار بزران ) بسبب الي تحرش فيني حسبي الله عليه جعل شفايفه تطيح قولو آمين.
وطبعي سار خشن مره ومتوحشه الي يطيح فيدي ينتهي ما افكه الا والدم فوجهه .. واشياء كثييييييييير ما اذكرها كلها .. مثلا : سرت احب طعم الدم من كثر ماكلت شفايفي بسنوني ، أحب اقعد بالظلام كثير ، كنت احب الرسم كثيييير وارسم افلام الكرتون خصوصا توم وجيري :icon29: بس يعد الي حصل لي سرت ارسم صورة بنت حزينه ووحيده .. وغيره

المهم ظليت على هالحاله وابوي وامي الله يهديهم كانو بدل ما يسألو عن الي فيني كانو ينهروني ويضربوني ( شيلي يدك لا تاكلين شفايفك وش بيقولوعنك الناس مريضه والا ما شبعتي لحم ) .. ومن الكلام الي يعقد زياده
ضلينا على هالحاله سنين والى الآن ونفس الحاله ماتغيرت رغم اني كذا مره وللأمانه ثلاث مرات قلت لهم انو الي فيني مرض نفسي ولا في فايده يقولو انتي الي سويتي بنفسك كذا .. شوهتي وجهك على زينه 

وفي شي ثاني مره منحرجه منه بس هو مو بيدي مادري هو طبيعي فيني يعني انا خلقت كذا والا هو بسبب التحرش .. المهم صحيح اني حقدت على الرجال وكرهتهم من كل قلبي لكن في نفس الوقت سامحوني على الكلام هذا ( مشتهيتهم ) من يوم وانا في صف رابع وانا احس بالشي هذا وبقوه وللحين وانا اعاني منه وخايفه موووت اني انظرب على راسي واغلط . الحل الوحيد للشي هذا هو الزواج والستر الي هو اساسا واجب للي هم مثلي لكن في مشكلتين اولا انا اصغرخواتي واحنا 6 بنات وانا السابعه وباقي قدامي 3 لسى ماتزوجو وعاداتنا مافيها بنت صغيره تتزوج قبل الكبيره والمشكله الثانيه مين بيتزوج وحده وجهها فيه تشوه وفي الفم كمان يعني مكان حساس ومهم بالنسبه للرجال وحتى لورضي ايواحد بهذا التشوه الي فيني انا مارح ارضى ( شحاته واتشرط ادري ) بس والله ما فيني اتحمل اهانات أكثر ونظارت جارحه أكثر مو ناقصه كلام الناس ولاكلامه هو وبعدين حرام اظلم الرجال انا مو طبيعيه ونفسيتي زفت ليش ابلشه فيني .

كان حلم حياتي اني رح أكبر ورح اعمل عمليه وينتهي الألم والحزن معاه كنت منتظره اليوم هذا على نار متى رح اسوي العمليه وابدء اعيش طبيعيه بدون احراج ولا خجل واقدر اواجه الناس بثقه واكلم الناس وخصوصا امي وابوي فيس تو فيس بودن ما انحرج من نظراتهم لبي واحس برعب متى بيعلق على شكلي. تصدقويا ناس عمري ما كلمت الوالد وانا اناظره لوجهه اكثر من ثانيتين وعلى طول اقلب وجهي واسوي نفسي اشوف شيهنا والا هناك .  لاني ما اتحمل اسمع من اعز مخلوق عندي في الكون كلام يجرح.

وبعد سنين طويله من الصبر اكتشفت شي زيما يقولون كان هو القشه الي قسمت ظهر البعير .. اكتشفت اني مارح اسوي العمليه .. كذبت كذبه وصدقتها .. خدعت نفسي وصدقت الخدعه .. ماحد قلي اساسا اني رح اعمل عمليه انا كنت اقل هذا الكلام للناس الي يقولولي ليه ما تسوين عمليه منظره مو حلو مره وكنت اقلهم ان شاء الله لما اكبر.

أساسا مادري اذا في أحد يسوي عمليه من النوع هذا في الرياض وحتى لو في، مبالغ العمليات مره غاليه وانا اساسا فيني لحميه في الانف وماسويت العمليه لانها غاليه ..

انا مو من النوع الي يفقد الأمل ابدن ابدن ابدن ومتكله على ربي فيكل شي هو الهي واحبه أكثر من اي شي والله انياقعد اسولف مع ربي كثييييييييييييييييييييييير بكل الي في نفسي ويغنيني عن اي انسان ويحقق وينقذني من بلاوي كبيره ما تتخيلوايش العلاقه الي بيني وبين ربي وكنت اتمنى تكون علاقتي باهلي مثلها اوقريبه منها.. يوم عن يوم حالتي تزيد سوء ومااقدر اكلم اهلي مو ناقصهم مشاكل الي فيهم مكفيهم وما ابيهم يتضايقوعشاني لاني ادري لو يعرفو انا وش اعاني مارح ينامو الليل ورح يضلو متضايقين ورح اظطر امثل ان المشكله انحلت واني سرت كويسه ومافيني اي شي

اتمنى اموت باي لحظه وياما طلبت من ربي انه ياخذني عنده اذا خواني الصغار يقدرو يعيشومن دوني .. والله ما ابالغ اني اول ما ادعيالدعاء هذا يجونياخواني الثلاثه فنفس الوقت وكلواحد يطلب طلب. تقريبا انا الحين اعتبر تفسي اعيش عشانهم بس.

حبيت افضفض بجزء من الي في نفسي لاني بدون صاحبات الحين .. لان امي ماهي طايقتهم ودايما تشكك فيهم وفي اخلاقهم وعمرها ماحبت صديقه لي وهي ما تدري انهم لهم الفضل بعد ربي سبحانه بحمايتي من اغلاط كثير لوسويتها كان وضيعت كل عيلتنا وتخاف لايجرفوني معاهم فاظطريت ابعد عنهم :06:عشان ترتاح وتنام .. وادري ان في ناس حالهم اسوء مني بسمو معناته اني ما اعبر عن وجعي واتمنى واحلم واطلب لاني احسن من غيري ..

329

يلزم عليك تسجيل الدخول أولًا لكتابة تعليق.

تسجيل دخول

duff111 • 12 سنة

الله يفرج همك يارب
فرحت يومً قلت علاقتي بربي زادت وهذي من أكبر النعم..
تواصلي مع أخصائية نفسية
حاولي تسووين عملية تجميليةلشفايفك إذا مافيه مانع شرعي

أكثري من الصيام

الأمل الجوهري • 12 سنة

تسلمي حبيبتي
الله يفرج هم كل المسلمين
الحمدلله علاقتي بربي جميله وقويه لأبعد الحدود وهذا هو الي مقويني ومصبرني
العمليه مافيها مانع شرعي لانها مو للزينه فقط بل للضرورة
وشكرا على النصحيه :D

ام خالده25 • 12 سنة

عزيزتي

قصتك تحزن واكيد هذا جزء منها بسيط

علمتني الايام انها تتحول وما تبقا على حال

وانا بقولك شي يريحك كثير

لو مثلا اقولك حديث عن رسول الله عليه الصلاة والسلام حديث صحيح

هل رح تشكين بكلامه؟؟؟

فكرى لو ثانيه

الجواب اكيد لا

فما بالك كلام الله عز وجل وفما بالك وعد الله

اختي الغاليه

ان الله وعد الصابرين على الابتلاء بلاجر

ان الله قال ان مع العسر يسر. هذاااا قول الله مع العسر يسر

تدرين ان الله يحبك

دامك تسجدين وتصلين الله يحبك يااااما ناس ماتصليييي

دامك تقرأين ولو سطرر بلقران الكريم. الله يحبك يخيتي

والاشياء الي صارت معاكي خلها حجه لكي مو عليكي

اقلبي الموازين وابدأي عهد جديد

انتي مسلمه ولاااا شي يهزك كل باب خير ينفتحلك توكلي على ربك هو حسبك

فوضي امورك لماااااااالك الملك ملك الملوك الي امور كل هلبشر بيده وبامره يقول كن فيكون

وتاكدي كل شي كتبه ربنا عليكي خير

والكلام الي انتي منحرجه منه تراه طبيعي

المهم التوبه السريعه عن اي امر من الشيطان لان هدفه يستغل ظروفك ويبعدك عن الله

اما صديقاتك وسامحيني مع احترامي لهم ولاي وجهة نظر تخالفني

افضلك خلي وقتك مع اهلك قريباتك جمعات الاهل احصري مجتمعك افضل في هذا الزمان

ياما صديقات تعتبريهم اكثر من روحك وما يجيكي الغدر الا منهم

يعني لا تضايقي سلي نفسك واهتمي بنفسك حبي نفسك

رعاكي الله وفرج همك وفتح لك باب من رحمه عطااء بلا حدود

بشاير الأفراح • 12 سنة

سبحان الله

الله كريم حماك وسترك وسيسترك باذن الله فوضي امر زواجك له ولن يخيبك

اقرأي عن تفويض الامر ل الله

اما الجمال مو كل شيئ ويمكن بعد ما تتزوجي تسوين العمليه

او ترضين عن شكلك اسال الله ان يحقق لك السعاده والراحه وشرف المؤمن في قيام الليل لا تتركيه ركعتين قبل النوم او قبل صلاة الفجر

الأمل الجوهري • 12 سنة

ام خالده25 :

عزيزتي قصتك تحزن واكيد هذا جزء منها بسيط علمتني الايام انها تتحول وما تبقا على حال وانا بقولك شي يريحك كثير لو مثلا اقولك حديث عن رسول الله عليه الصلاة والسلام حديث صحيح هل رح تشكين بكلامه؟؟؟ فكرى لو ثانيه الجواب اكيد لا فما بالك كلام الله عز وجل وفما بالك وعد الله اختي الغاليه ان الله وعد الصابرين على الابتلاء بلاجر ان الله قال ان مع العسر يسر. هذاااا قول الله مع العسر يسر تدرين ان الله يحبك دامك تسجدين وتصلين الله يحبك يااااما ناس ماتصليييي دامك تقرأين ولو سطرر بلقران الكريم. الله يحبك يخيتي والاشياء الي صارت معاكي خلها حجه لكي مو عليكي اقلبي الموازين وابدأي عهد جديد انتي مسلمه ولاااا شي يهزك كل باب خير ينفتحلك توكلي على ربك هو حسبك فوضي امورك لماااااااالك الملك ملك الملوك الي امور كل هلبشر بيده وبامره يقول كن فيكون وتاكدي كل شي كتبه ربنا عليكي خير والكلام الي انتي منحرجه منه تراه طبيعي المهم التوبه السريعه عن اي امر من الشيطان لان هدفه يستغل ظروفك ويبعدك عن الله اما صديقاتك وسامحيني مع احترامي لهم ولاي وجهة نظر تخالفني افضلك خلي وقتك مع اهلك قريباتك جمعات الاهل احصري مجتمعك افضل في هذا الزمان ياما صديقات تعتبريهم اكثر من روحك وما يجيكي الغدر الا منهم يعني لا تضايقي سلي نفسك واهتمي بنفسك حبي نفسك رعاكي الله وفرج همك وفتح لك باب من رحمه عطااء بلا حدود

عزيزتي قصتك تحزن واكيد هذا جزء منها بسيط علمتني الايام انها تتحول وما تبقا على حال وانا بقولك...

جزاكم الله ألف خير وجعلها في ميزان حسناتكم .. كلامكم يطيب الخاطر ويرد الروح والله