حلمي يا ترى هل يتحقق

الســــــــــــلام عليكم ورحمة الله وبركاته ............
في البداية حابه اقولكم مشكلتي ..يا ريت تستحملوني شوي .... ارجوكم الي دخلت موضوعي تقراه للاخير وترد علي صراحة ارتحتلكم كثير واعتبركم اخواتي في الله .... الله يسعدكم...
انا طالبة في ثاني ثانوي علمي والحمد لله متفوقة ومعدلي عالي ,,,,للحين كل شي تمام بس المشكلة اني ودي اكمل الدراسة في بريطانيا او اميركا او كندا وما راح تصدقوا لو قلت لكم ان هذا حلمي من لما كنت خامس ابتدائي:04:
والفكرة الحين متغلغلة داخل داخل نفسي ومستحيل تروووح عن بالي واتمنى لو في يوم من الايام تحقق , امكن بعضكم يقول ليه ما اقدم ع برنامج خادم الحرمين الشريفين للابتعاث بعد ما اخلص الثانوي ........ وهنا المشكلة :mad:لاني غير سعودية وشي اكيد هي للسعوديين فقط ..... وانا الان كل ما جت اجازة من المدرسة اروح دايركت لابحث في النت لحد ما عيوني تبى تطلع من مكانها :hahaha: تخلص الاجازة بدون فايدة تذكر غير كذا اسأل كل الي لهم علاقة بهذا الموضوع سواء من قريب او من بعيد
لكن للاسف ما وجدت شي اكيد اقدر اطمئن له تماما .........
وانتم عارفين ما بقي شي ع التخرج ....... يالله قد ايش كنت مستنيه هذا السينين تجي والان جات وابى احقق حلم الطفولة . واخاف الان اني انصدم اخرتها (خلاص ما في امل ) بالرغم من اني لدي بعض المؤهلات اني ادرس بالخارج وهي:
انا الحمد لله اولا واخيرا ملتزمة بديني وبإذن الله ما راح يغيرني شي.
انا بكل صراحة ما احب الطلعات ومنغلقة الا اذا شفت فيها فايدة اطلع واحب الدراســـــــــــة كثـــير ممكن اصرف وقتي وجهدي كله لها خاصة اذا كانت لتحقيق هدفي ولدي طموح وامال لازم احققها بإذن الله وما راح اتخلى عنها.

_ انا نباتية من صغري (ما اكل لحم ولادجاج ولاشــي من مشتقاتها) يعني من هذا الجانب انا مطمنة كثييييير اني ماراح اتعب بخصوص الاكل هناك .
و في الختام ارجوكم شوروا علي لاتبخلون لانو هذا مستقبلي واذا اي وحدة عندها ولو فكرة بسيطة عن اللي قلته تتفضل وما عليها امر, واآسفـــــــــــــــــــــة ع الاطالة ...... سامحوني (محبتكم اصيل كول).