اول مره يمر عليا مفسر كذا محدد كل شي أختي ثقي بالله سبحانه هوه مغير الاحوال لوكان نصدق احلامنا ماحنا للحين عايشين

طيب بقول شيء الحلم يكون بشاره او انذار. طيب لو تشوفينه انه انذار وش بتسوين بتجلسين متكتفه وتاخذك الوساوس والهموم لا اكيد طيب لو احد انذرك من شيء بتحاولين تخلصين نفسك. وبتحاولين بقدر استطاعتك. فانت طالما جاك هذا التفسير بالرغم مستبعده بامر الله هذا الكلام. الا انك لازم تكثرررين من الدعاء بعكس كلااامه وان الله يجعل كل كلمه قالها تنعكس بالخير والسعاده والايمان والزوج الصالح والذريه الطيبه. ترا ربك قاادر لايعجزه شيء. الله سبحان كل يوم هو في شأن يرفع مرض يزيل هم يرفع بلاء. هذي كلها بقول كن فيكون. فليش تحزنين نفسك بكلام شخص ضعيف لايعلم ولايقدر على نفع نفسه. اصلا مفروض فسره بالخير ليه يفسر شر. الرسول صل الله عليه وسلم كان يحب الفأل يعني اش استفاد من تفسيره مافيه نفع. الله يهديه لنفسه. انت لاتحزنين ولاتخلين الشيطان يدخل لك من هذا المدخل ابد ادحريه واكثري من الطاعات والاستغفار والحوقله ولا اله الا الله وحده لاشريك له له الملك وله الحمد وهو على كل شيء قدير. اكثثثري منها وسوره البقره. ممكن يكون عندك حسد اوشيء يسبب لك بعض الا مراض الي تقولين فانت عليك بالبقره والرقيه. وقدامك العافيه.

اولا يالغاليه تعوذي من ابليس.. والله يوفقك بالزوج الصالح عاجلا غير اجلا ويوفق خواتك وبنات خوالك في الازواج الصالحين


انا بقولك اعتقادي من الحلم والتفسير...
اولا ممكن يكون تفسيره كله غلط بغلط .. ثانيا واذا كان صح ترى الدعاء وانا اختك يرد القدر ممكن ربي اراد لك هالموقف عشان تدعينه وترجعين محافظه على الصلاة مثل قبل
ثالثا ممكن يكون التفسير صح ولكن مختلف مو بالصوره اللي فسرها!!! كيف يعني مختلف؟؟ يعني ممكن تتزوجين وانتي صغيره وتجيبين عيال، وبعيد الشر ما تتوفقين بالزواج وينتهي بإنفصال او زوجك يتوفاه الله، وتعيشين مع عيالك لين عمر الخمسين وتتزوجين ثاني بهالعمر ... ترى والله هذا الاحتمال اللي جا في بالي لمن قلتي تفسيره للحلم .. ممكن تتزوجين فعلا بعمر الخمسين ولكن كزواج ثاني بعد تجربة طلاق او ترمل لا سمح الله
واخيرا اسأل الله لك ولبنات المسلمين التوفيق في الحياة والازواج الصالحين

كنت أخاف لو فعلا كان الحلم رؤية بشروطها المعروفة قصيرة محددة غير مشتتة .
لكن قصتك هذا فلم كامل والمفسر هدانا الله وإياه ما أظن أنه مفسر أحلام حقيقي ولكن تجارب أن مرت استمر في عمله وان وقف في وجهه توقف.
تفسير الحلم لا علاقة له بعلم الغيب وهذا ادعإذ سيحاسبه الله عليه فانتبهي ياغالية .




أما قصتك مع الصلاة فهذه قصة أخرى فماذا الإنسان يعبد ربه لأجل أن يعطيه جزاء ظاهرا على عمله فعلى جميع عباداتنا السلام.


العبادة يا حبيبة لا تبنى ع المقايضة بل على الحب فكل شئ من ربي أحبه اعبده رغم مرضي رغم فقري رغم البلايا النازلة علي لاني لن أستطيع أن أشكر نعمه وتفضله علي ولو بطرة عين .
ومادام الصلاة ليست قرة عين لك فانتظري المزيد من العيش الضنك أما الأحلام. ما أحلام فاطمنك أنها فلم هندي وأنت صدقت المفسر والله المستعان

😁😁😁