حلم غير مجرى حياتي الزوجيه

السلام عليكم ورحمة الله

أخواتي الكريمات والله عندي مشكله صارت لي مع زوجي وبصراحه كانت المشكله بسيطه جداً
لكن بسوء تصرف مني للأسف صارت كبيرررررره.

قصتي هي / أنا متزوجه من ثمان شهور وكانت حياتي حلوووووه وكنت مبسوووطه معه
وهو مبسوط ومرتاح ..... في بدايه زواجنا كنت دائماً أحب أسولف لزوجي عن أخواني وعن خواتي
وخصوصاً عن أختي اللي أكبر مني وعن زوجها وكنت دائماً أسولف عن زوج أختي وأقول عنه أنه خفيف دم وحبوب
(على كلام أختي) وأن أختي تحبه وكل أهلي يحبونه وكانت سوالفي عن زوج أختي عن حسن نيه والله.

بداية المشكله / أني في يوم من الأيام صحيت من النوم وما حصلت زوجي في السرير :( دورت عليه حصلته في
الصاله جالس وكانت علامات الغضب على وجهه ..... وبعد ساعات وأنا أترجاه لمعرفة اللي مزعله (بصراحه طفشني)
قالي زوجي / أمس وأنتي نايمه كنتي ترددين أسم زوج أختك (فلان) وكنتي تقولين (فلان أحبك) ... (فلان أحبك)...(ياحبيلك يا فلان)

رديت عليه وأنا معصبه :mad: (أيه يا حبيله أيه أحبه أحبه فلان) تبغاني أكرهه ؟؟؟ وبعدين هذا حلم مو حقيقه
وأنا بصراحه ما أتذكر أني حلمت فيه لكن لنفرض أني قلت هذا الكلام ليش تزعل ؟؟؟؟؟؟ أنا أحبه مثل أخوي. .....

(وهنا المشكله يا أخواتي أحس أني أخطيت في كلامي و تصرفي لأني كنت حامل ومعصبه) :44:

بعد هذي القصه أنقلبت حياتي جحيم وضيقه صدر لأنه كل ما يجي طاري أختي أو زوج أختي تنقلب حال زوجي
ويصير معصب وما يكلمني وصار كل ما يوديني لبيت أختي يقول لي لما أنزل من السياره (سلميلي على فلان)
يقصد زوج أختي ... وأنتم طبعاً عارفين قصده من هذا الكلام.:44:

أخواتي المشكله اللي أواجهها الحين أني صرت أتجنب أقول أي سالفه أختي طرف فيها حتى لو يعرف أنها
هي اللي معي على التلفون يضيق صدره ويكتم .... والمشكله أن علاقتي مع أختي قوووويه مرررره
يعني لازم نكلم بعض كل يوم صرت الأن عايشه بخوف ولا صرت أخذ راحتي بالسوالف عن أهلي وأخواتي
لأنه لما يسمع طاري أختي أو زوج أختي حتى لو سوالف عاديه تنقلب حاله ولا يصير يكلمني :44:

قبل أسبوع جلست معه جلسة مصارحه لساعات عن اللي مضيق صدره ..... قالي أنا أحبك لكن....
كل ما تذكرت كلامك عن زوج أختك يضيق صدري :( وأعذريني لأني (لااااااا يمكن) أن أنسى كلامك
وأنتي ما أهتميتي بمشاعري يوم قلتي هذا الكلام...... وأنتي جرحتيني جرح لايمكن أنساه :(

أخواتي والله أني أحب زوجي لدرجه الجنوووون وكان كلامي عن زوج أختي عن حسن نيه لأنه فعلاً حبوب
وخفيف دم وأنا كنت أسولف عنه وأقول قصصه لتلطيف الجو والضحك نقلاً عن أختي لأن أختي تحبه ودايم
تسولف لي عنه وعن مواقفه الكوميديه ......... (غلطتي أني ما عملت حساب للغيره :44: )

أخواتي أسفه على الأطاله لكن أنا بصراحه أبغى حل لأني الحين أتمنى أنه أنقطع لساني ذاك اليوم
ولا رديت عليه بالكلام اللي قلته ....كيف أنسيه كلامي عن زوج أختي ؟؟
والله العظيم أنها غلطه غير مجرى حياتي... صارت حياتي نكد وكل يوم زعل أرجوكم ساعدوني
الله يخلي لكم أزواجكم وأبنائكم وكل اللي تحبووون :26: