بشرح لكم وضعي لاني مره ضايعة
واحد حبني اول من ٣ سنوات
كان صاحبي بالبداية وقت ما كنت مراهقة وبعدين بدأ الحب
حبيته بعدها وبدأ يعاملني كويس ويسوي لي كل شيء وكأني العالم
وايقنت ووثقت فيه لدرجة كلمت اهلي عنه وكلهم انبسطو لانه قال بيخطبني
وانا عندي مشكلة نفسية تخليني اضطرب كثير وتقلبات مزاجية كثيره وما اقدر اتحكم فيها وهو يدري لانه سمع كل جلساتي مع الدكتور
وكنت دايما اقول كلام سيء واعتذر عنه لاني ما قصدته
وهو بعد كان يقول كلام واسوي نفسي ما اشوفه لانه معذور بسببي
وخرجنا سوا واكلنا سوا ورحنا نتفرج واختي الصغيره شافته ولعبت معه
وفجأة بعد وقت بدا يقول انه تعب وعنده ظروف وبدأ اهتمامه يقل وزاد عتابي بس بدأ ينفر مني حتى
وكل ما كلمته وقلت ليه وعشان ايش طيب حاول فيني انا اسمعك
ولا كأني شيء
لين بدأ يقول عادي امشي وابغى وقت وحدي
واخذ وقت وحده واكلمه من وقت لوقت وبرضو نفس التصرفات معاي
وفجاة احصله يضيف بنات ولو كلمته يقول مالي فيهم ما اعرفهم
وجتني بنت ( اعتقد ولد خني..) قالت لي انه حبيبها وانه يشفق علي بس وانا ما صدقت ودافعت ووريته وقال ما يهمه لانه يدري انه صادق
وبعدها بوقت جتني ثاني وقالت لي وراني كلامه مع امك بالعيد ومدري وش
رحت كلمته وانا منفجره وقلت محد يدري انك سلمت على امي غيرك وغيري وبرضو ما اهتم وقال ما اعرفها ذي بعد
والحين احسني بضياااع كأنه ما يبغاني
وقال لي انه بسبب تصرفاتي واني اذله واني اتعبه وكلامي السيء وكرهته عيشته وخليته يكره نفسه

والله احسني قاعده اتفتت واحد يضربني بنار في صدري من كثر التعب الي فيني
كان امان وسند وحب بالنسبة لي والحين معد يشوفني اسوى شيء وبس يصرفني ويسلك بالكلام
مهما حاولت فيه قاعد يدعس علي بطرفه

المشكلة حتى لو قلت بتخطى ومدري ايش
انا خرجت معاه وجلست معاه واكلت معاه ومعاه كل شيء عني وصوري وكلامي واهلي وكل شيء حرفيًا
وعشمت نفسي واهلي انه رجال وبيجي يخطبني وبنيت مستقبلنا لدرجة حتى خططت وش اسوي ووش بلبس بزواجنا وكيف بتصرف وكيف بتكلم مع امه
بس حلواتي احسني احتاج احد ابكي عنده
تذكرت عبدالحليم لما قال
" وفعز الامان .. ضاع مني الامان"
" ضيعت عليه العمر يابويا ده انا ليا معاه حكايات"

والله بكاااااء داخلي قاعده احاول ابين للكل اني مبسوطة وفرحانه وانا قاعده اموت الف مره