و علشان يكون الطبق خمس نجوم قدموه مع كره آيس كريم الفانيليا
و صج ان صورة الحلو طلعت مو مبينه حلاوته :) لكن صدقوني يهبل . و اذا سويته مره ثانية انشاء الله بصوره لكم
المقادير :
- كيك سارالي كاكاو
- 3 بيضات
- نص كوب سكر
- جبنة فيلاديفيا 200 جم
- علبة كريما حمراء أو كوب كريما من أي نوع
- علبة كريما كي دي دي أو مقدار كوب من القشطة
- 10 كاكاو آرو الأصابع القديم ( وايد بس حلاته بكثرته :) )
- ملعقة صغيرة فانيليا
الطريقة
- قطعي الكيك شرائج و صفيها في قاعدة ماعون بايركس أو صينية فرن
- على نار هاااااديه حطي القشطة و الكريما و الكاكاو في قدر و خلطيهم لما يذوب
الكاكاو .. بعدين صبيه على الكيك و حطيه بالثلاجه علشان يتماسك
- بالخلاط حطي البيض و الجبن و السكر و الفانيليا و خلطيهم زين
- طلعي الكاكاو من الثلاجة و صبي عليه الخليط الجديد و دخليهم فرن حار على حرارة متوسطة 40 دقيقه تقريبا
الطبقة اللي فوق بتكون رقيقه و تشبه الكريم كراميل بس طعمها على تشيزكيك اكثر .. لذيذة
يقدم حار و يفضل تقديم ايس كريم فانيليا بنفس الصحن
و بالعااااااااااافيه