حلوا مشكلة صديقتي

السلام عليكم ورحمه الله وبركاته

قرات مشاركات البنات هنا ومشاكلهم واغلب المشاكل مع الازواج

فقلت اشوف حل لصديقتي لانه عجزت اساعدها


صديقتي متزوجة من 14 سنة مخلفة وعيالها يدرسوا

المشكلة زوجها خاين لدرجة فوق ما تتصورون

طبعا ما نقول انها كشفته لااا ابدا

زوججها على علاقات محرمة مع بنات

وللاسف مو مخبي عليها
يمدح قدام زوجته النوم معهم وكيف تعاملهم معه

اهله يدرون لكن ما يسووا شيء

وعلمت اهلها وواجهوه بالموضوع وانكر وحلف يمين

لم رجعت معه للبيت ضربها ضرب مو بسيط وقدام عيالها

ومازال مستمر في علاقاته

قالت له صديقتي انت تزوج بالحلال انا موافقة خذ 3 زوجات علي مراح اعارض ولا اقول شيء

بس بالحلال رفض


تقول انا خايفة يروح لوحدة فيها مرض وينقله لي

لا اهلي عرفوا له حل ولا اهله سووا شيء لي

وان اشتكيت ضربني وان سكت اكون على على قهري وخايفة يروح لوحدة فيها مرض وينقله لي


الهيئة مسكته وبعد فترة فكوه الشرطة مسكته وفكوه

مافي احد واقف في صفها


تقول ابيه يتزوج بس موافقة بس ما يروح للحرام

لدرجة وحدة جت حتى بيتها تسال عن زوجها

لهذي الدرجة تجرأت البنات صاروا يجوا لبيتها اذا ما رد عليهم فترة

وازيدكم من الشعر بيت

يشتري للبنات هديا ويجيبها لها مغلفة للبيت تقول لمين هذي

يقول لها لي فلانه صاحبته

راتبه 9800 واحيانا تطلب منه اهله عشان يعطوها شيء تطبخه له على الغدا

اخوها قال انا باطلقك منه في المحكمة رفضت عشان عيالها

قال اجل خليك عشان عيالك بينفعونك بعدين واقعدي ذليلة عنده


وش الحل يا بنات

اذا اشتكت ضربها وان سكتت على قهرها

لا يعبرها ولا يصرف عليها الا نادرا وفلوسه كلها للبنات


والله احيانا تدعي انه ياكل علقة يوم يندمه على الي يسويه



وش الحل