السلام عليكم و رحمة الله وبركاته
الشهر عليكم مبارك
طبعا كلنا نعرف المطبخ وشغله المتعب لذلك حبيت أشارككم ببعض الأفكار اللي بتسهل عليك الطبخ بإذن الله
أولا: قطعي بصل كميه كبيره واحمسيه مع زيت وقسميه وضعيه بأكياس وبالفريزر
طبعا الكمية اللي بالكيس يكفيك ليوم حسب استخدامك
والبصل تستخدمينة فأي طبخة سواء الكبسة أو حتى الكشنة و..إلخ
وارتاحي من تقطيع البصل يوميا
ثانيا: أطحني الطماط طحن متوسط واطبخيه مع زيت إذا غلي طفيه خليه يبرد وصبيه في علبه بلاستيك وبالثلاجة
وبذلك تريحين من طحن الطماط يوميا
معلومة : إذا طحنتي الطماط وحطيتية بالثلاجة بدون زيت وطبخ يفسد فلازم تطبخيه مع شوية زيت
ثالثا: قطعي الدجاج وكيسية على قد اليوم وبالفريزر وارتاحي من تقطيعه يوميا
رابعا : صلحي شاورما وكيسية على قد اليوم وكل ماحتجتي لها طلعي كيس واطبخيها زيت وخلاص
وإذا العائلة تسهلك شاورما يوميا ممكن تطبخها عادي وتحطيها بالثلاحة وكل يوم طلعيها وعلى الخبز مع مايونيز
بعدين ألة التوست
ومعلومة : الدجاج أو اللحم للحشوات احمسيه لوحده بدون زيت عشان تطلع مويته
والبصل احمسيه لوحده مع زيت وإذا نشفت موية اللحم أو الدجاج ضعية مع البصل وكملي الحمس
معلومة : أي عجينة بتقلينه ضيفي مع مقادير العجن شوية نشا حتى ماتشرب زيت
............طريقة عجينة جربتها واعجبتني
انا ما احب العجن بالماء
عجينة الكنز أحبها وهذي طريقتها
كوبين ونص طحين
علبة زبادي يفضل كامل الدسم
ملعقة طعام وحده خميره
ملعقة طعام بيكنج بودر ................................................استغني عنه أحيانا
ونص كوب لبن أو لبن العلبة الصغيرة
وملعقه صغيره ملح/وثلاث ملاعق سكر
وفنجان زيت
وجربت أضيف عليها 2م ك حليب ببودرة طلعت روعه
............
اللقيمات
ماحب اخربط بعجينة اللقيمات .. وعجينتها بسيطة وسهله
دقيق وخميرة وذرة ملح ولبن العلبة الصغيرة ونشا فقط
اعجينها قبل اللقلي بنصف ساعه ..
معلومة : أي سوائل بتضفينها للعجين لابد ماتكون باردة ولا حارة يعني بحرارة الغرفة..
وسلامتكم
أتمنى تستفيدون ودعواتكم
أشيل جروحي بروحي @ashyl_grohy_brohy_1
عضوة فعالة
يلزم عليك تسجيل الدخول أولًا لكتابة تعليق.
lion55
•
ماحب اعجن بالماء احسك مثلي فعلا اللبن اطعم وادسم
الصفحة الأخيرة