حلول "مجربة "لمشاكل البشرة المختلفة >>منكم واليكم

مرررررررحبا

حبيت اكون اول المشاركات بالموضوع ..

طبعا من ايام المدرسة والمدرسات يقولون لنا الله يجزيهن عنا كل خير ان الايدين والريول هب اقل اهمية من الويه

و احيانا هي تلفت انتباه >> الخطيب او الريل اكثر من الويه

ومنها الواحد يقدر يحكم فمدى نظافة البنت واهتمامها بنفسها .. صح ولا انا غلطانة؟؟

فيا حلوات انا اهتم بايدي وريولي وانافس الاطفال في نعومة ملمسها .. و بنقل لكم تجربتي لكن بشرط انكم تدوعوا لي ولبنات المسلمين بالزوج الصالح


اليكم تجربتي الشخصية المفيدة 100\100

اولا استخدم لايدي

عصير ليمونة واحدة + كمية من ملح الطعام الخشن ..

احط العصير واخذ بايدي شوية ملح وافرك افرك افرك ..بحركة دائرية حتى باطن اليد وبين الاصابع افركه بالملح

من دقيقتين لخمس دقايق .. بس مب فرك عنيف ..الفرك العنيف بالملح يعلم البشرة استخدمي القوة اللي تقدري تتحمليها

افركي المناطق السودا بالاصابع ولا تنسي الكوع و لا تنسي طبعا تفركي اظافرج بقشر الليمون اللي عصرتيه لان الليمون يلمع الاظافر ويبيض البشرة الرقيقة المحيطة بها ..

من بعدها ننتقل للقدمين ..

انا اخذت لي عدة البديكير .. احسن وانظف من اني الجأ للصالون و يا كثر الامراض الجلدية اللي ممكن اتعرض لها من ادواتهن ..

طبعا انا مب محترفة لكن عندي خلفية بسيطة عنه بما اني كنت مدمنة بديكير الصالونات

1-احط ريولي ف ماي دافي وملح .. اخليه فترة لين يطرا الجلد

2-وعقب احط مقشر هيمالايا للقدمين افرك الكعب و ريلي بشكل عام عدل بايدي اولا

3- استخدم الاداة المخصصة لازالة الجلد الميت وافرك كعب رجلي واركز على الاماكن اللي الجلد قاسي فيها
وازيل طبقة الجلد الميت الخشن قدر الامكان ..

4- اقص اظافري وابردها وانظفها قدر الامكان "دون المساس " بالجلد المحيط بها لاني لاحظت انها يوم انظفها سواء بالبيت او بالصالون يتعرى الظفر والجلد

المحيط به يتراجع لورا و يسمح للاتربة بالتجمع اكثر فاكثر لذا ما احب اتلاعب به

5- استخدم عصير الليمون والملح واكرر العملية اللي سويتها بايدي واركز على عظمة القدم البارزة "فاهمين طبعا"
والكعب وبشرة القدم الخارجية

اذا كنت فاضية احط سكرب الملح هذا الى الركبة و اذا لا اكتفي بالقدم ..^^

ومن بعدها اغسل ايدي و ريولي بماء فاتر

والله والله والله العظيم احس انه ايدي وريولي انعم من بشرة الاطفال

ومن بعدها عشان احافظ على النتيجة احط فازلين على ريولي والبس جوارب خفيفة

واتجنب الجوارب السودا لانها تسود الرجل

و احط فازلين على ايدي طبعا بعد سكرب الملح والليمون وارجع احط طبقة خفيفة عليها قبل النوم


لا تنسوا تدعوا لي ولاخواتي بعد التجربة بزوج صالح

وهذي خلطة انا استخدمها للوجه تنعم البشرةو تبيضها مع الاستمرار

طبعا كل خلطاتي منزلية متوفرة عند الكل

المحتويات

1- حبة البركة مطحونة "ملعقة كبيرة طعام"
2- روب "زبادي" 4 ملعقة كبيرة
3- عصرة نص ليمونة

تخلطيها مع بعض وتحطيها على الوجه الى ان تنشف ومن بعدها اتزيليها

اتمنى اشوف تفاعل منكن عسب اطرح لكم ما في جعبتي من عجايب *^

وهذي خلطة انا استخدمها للوجه تنعم البشرةو تبيضها مع الاستمرار

طبعا كل خلطاتي منزلية متوفرة عند الكل

المحتويات

1- حبة البركة مطحونة "ملعقة كبيرة طعام"
2- روب "زبادي" 4 ملعقة كبيرة
3- عصرة نص ليمونة

تخلطيها مع بعض وتحطيها على الوجه الى ان تنشف ومن بعدها اتزيليها

اتمنى اشوف تفاعل منكن عسب اطرح لكم ما في جعبتي من عجايب *^

تكفون عطواني خلطه تنعم يديني ويفتحن والله لدعيله مخليت شي كريمات زيوت فازلين بي مافيه فايده