حلوها .......زوجي صار شايب

مرحبا بنات شلونكم
شوفوا انا عندي مشكله وابيكم تساعدوني ......تكفون لا تخلوني ....
انا متزوجه صارلي ست سنوات زوجي في البدايه كان يحب يهتم بنفسه وملابسه وشكله وكان يعني مافيه شي مرتب ونظيف وريحته يسلام حلوه ه وكلامه حلوه ومعاملته حلوه يعني كان كل شي فيه حلوه بس بس بس بس
الحين الله لا يوريكم ملابسه ما يحب يغيرها مع اني دايمن انظف ملابسه وارتبها لكن ما فيه فايده ما يحب اذا جينا نبي نطلع يطلع معاي وثوبه ماهو نظيف ولا مرتب صرت اتفشل اروح معاه وفي البيت ما يعرف يلبس غير سروال وفنيله اللي طفش منها وشكله الغلط هذا غير ريحت الشيشه والسجائر اللي دايمن عالقه بثيابه وشكله وشعره وريحته كله على بعض طفشت منه

تكفون بنات انا مدري وش اسوي انا حتى ماعاد استحمل انه يقرب مني صرت انقرف منه
مع اني والله دايمن اهتم بنفسي وشكلي وكل شي تمام بس هو هو هو مدري وش اسويله
كلمته وقلتله اهتم بنفسك شوي حرام عليك انا ما اقدر استحمل لكن ما فيه فايده صار وسخ في كل شي صار مثل الشياب مع انه والله فيه شياب حلويين
وش اسوي انا والله تعبت وبعدين من حق الحرمه ان الرجال يهتم بنفسه ويتزين لها مثل ما هي تتزين له
حلوها بنات لا تخلوني تكفون تراني والله العظيم مليت وماعاد فيني استحمل