حلوى الروتي.. طبق هندي.. لازم تجربونه

السلام عليكم يا حلوات

اليوم جبت لكم سوويت من الهند

هو صج ثقيل بس والله وايد حلو

واللي تجربه لازم تعطيني رايها

بسم الله نبتدي

المقادير:

كيس توست
سمن
حليب سائل
قشطه
قطر " شيره"
مكسرات

الطريقة:
1- اول شي تقطعين اطراف التوست و تخلين الهوا يطقه... بس بشويش عليه:11:( تعرضينه للهوا).

2- بعدين الله يسلمكم.. تقلين التوست في السمن وأأكد على السمن يعني مو زيت ولا زبده
لين يحمر لون التوست

3-تغطسين التوست بالحليب السائل وتصفين التوست في القالب وتحطين فوق التوست القشطه " طبقة خفيفة"
يعني طبقه توست طبقة قشطة.. طبقه توست وطبقة قشطه .. وهكذا.

4- بعد ما صفيتي التوست خلي شوي قشطة على الوجه.. صبي القطر فوق التوست كثر ما تبين
يفضل انه يكون وايد.. اخذي شوية ماي ورد وحطي فيه زعفران وحطي معاه شوية "صبغ اللي تبع الاكل". وصبيهم على الوجه.

5- دخلي القالب الفرن وخليه لين الشيره " القطر ينشف.

6- قلي المكسرات و حطيها فوق على الروتي.

وبالعافية عليكم

لا تنسون تقولون لي رايكم