حلوياتي :$

السلام عليكم ورحمة الله وبركاته
حيا الله اخواتي الحوائيات :27:
اول موضوع لي مجوعه من اطباقي اتمنى تناال اعجابكم :pinklove:

"مشاء الله تبارك الله"

1-تورته لذيذه وشكلها حلو وسهلة التنفيذ




الطريقه :
كيك بتي كروكر بالشوكولاته سويته في صينيتين نفس الحجم لاني ابيها طبقتين مضبوطه
ودريم ويب + بيالة حليب سائل بارد + لون طعام وردي
هذي دهنت بها بين الطبقتين ودهنت الكيكه كلها بها
نجي للي فوق هذي سلمكم الله كريمة بتي كروكر الجاهزه بالفانيلا وحطيها بالثلاجه فتره عشان تكون بارده وتضبط معك في التعصير
وبالاخير بسكويت اوريو فككتهم وصفيتهم ع الجوانب

وبالعافيه عليكم


2-كيكة الاولكر




كاس ونص بسكويت اوليكر مطحون طحن ناعم
ملعقه صغيره بكينج بودر
نص كاس جوز الهند
هذي تحطيها بزبديه ع جنب
نجي لمقادير الخلاط
بيضه
نص كاس زيت
نص كاس سكر
نص كاس ماء
وبعدها نسكبها بالزبديه ونعجنهم لحد التجانس وع الصينيه وفي الفرن لمدة ربع ساعه الى ثلث ساعه ماتاخذ وقت كثير
وحطيت ع الوجه نستله وجبن كيري بالخلاط وع الوجه بعدين دخليها الفرن من فوق لحد ماتجمد الطبقه البيضاء واظفت لها الكراميل للتزيين
وبالعافيه ..

3-كيكة الشوكولاته اللذيذه



كيك بتي كروكر شوكلت قسمته لصينيتين نفس الحجم

دهنت بين الطبقتين نوتيلا

والشوكليت الي فوق عباره عن:
2م ك شوكلت بودره
2م ك حليب
1قشطه
سكره مطحون اضيفي له وتذوقي الطعم لحد مايناسبك مقياس الحلاوه

وصبيه عليها وفرقيه ع الكيكه بالتساوي عشان ينزل ع الاطراف كلها واتركيها تبرد واضيفي لها الزينه الي تبين

وباالعافيه عليكم


4-ترفلز:love:



عباره عن الواح الشوكلاته البلجيكيه لازم تكون نوعيه الشوكلت توب انا بالنسبه لي ماحصلتها فا استخدمت جالكسي ساده مع انه مكلف لاكن طلع واو

2 كاس من قطع الشوكليت
كاس كريمة خفق

كريمة الخفق حطيها ع النار وحركيها بشكل متواصل الين تغلي
بعد ماتغلي حطي الشوكليت وحركيهم الين يتجانسون مع بعض وبعدها طفي النار وصبيه في زبديه وحطيه
في الفريزر اربع ساعات بعدها طلعيه وكوريه بسرعه وانا انصحكم تكورونه في شوكلاته البودره مره لذيذه معه او جوز الهند الي تشتهيه نفسكم

وبالعافيه عليكمم

تضيف له الي تحب انا اضفت له بسكوت ويفر & شوكلاته بودره & كورن فليكس مجروش وشي ساده وصراحه لذيذ في جميع وضعياته









5-سوفليه



بالنسبه لهذا الاسود الجميل
كيك بتي كروكر تضعين ربع الخليط او اكثر شوي بصينيه وتدخلينها الفرن لحد ماتستوي بعدها تخلطين اربع ملاعق نيوتيلا كبيره + ملعقتين كبيره كريمة بتي كروكر بالشوكولاته (طبعا بالنسبه لصينيتي انا صغيره الحجم) بعدها نشيل بالملعقه ونحط فوق الكيك لا تواسينها واسيها بشكل بسيط اهم شي وزعيها باماكن متفرقه بعدها تضيفي باقي خليط الكيك وترجعيها للفرن لحد مايستوي الكيك وتمم اهم شي تاكلوها حاره وبالعافيه

وانتهينا اتمنى تعجبكم اطباقي وانتظر ردودكم الجميله :wink2::heart:



لااله الا الله وحده لاشريك له له الملك وله الحمد وهو على كل شيء قدير