كيفكم ياقمرات اليوم جايبه لكم طريقة حلويات
سوستها على سلامة عمتي اترككم مع الصور...
حلى نسكافية
المقادير
ظرفين دريم ويب
ظرف كريم كراميل
علبة قشطة
ملعقة وسط نسكافية مذوبة بملعقة موية وملعقة سكر
فنجان حليب سايل
نصف كيس بسكوت مطحون
توضع المقادير كلها بالخلاطة ثمن تسوين نشاء بشرط يكون النشاء قوامه ثقيل
تصبين النشاء بالصحن البايركس ثمن تصفين فوقه طبقتين بسكوت مببل ثمن تضعين فوقها الخلطة اللي سويتيها بالخلاطه
واخييييرا تزينيها بالهيرشي والطعم عذاااااااب
وهذي صورتها....
الحلى الثاني هذا اسمه((حلى البرتقال والمنجو))
المقادير والطريقة
اولا بسكوت شاي مبلل طبقتين بصحن بايروكس
وبالمضرب علبة قشطة
ظرفين دريم ويب
ملعقة زبدة مذوبة
تخفق ثمن توضع فوق البسكوت
ثمن تذوب ملعقة ونصف عصير تانج زمثلها مانجو في كوب ماء
ويوضع على النار لين يسخن وثمن توضع فوقها ظرف كريم كراميل ويحرك لين يذوب
وسوية حمام بارد لين يفتر او تخف حرارته وبشويش تصبينه فوق الخلطة بشويش لايخرب
وعقبها حطيه بالثلاجة لين يتماسك وهذي صورته...
الحلى الثالث...
اسمة ...اللوز والجوز...
المقادير والطريقة
الحلى هذا كله انصاف بانصاف يعني كل المقادير بنفس الكوب تقيسينه
نصف كوب دقيق
ومثلة سميد
ومثلة جوز الهند
ومثلة حليب بودرة
ومثلة سكر
ومثلة زيت
ومثلة ماء
علبة قشطة
ملعقة باكنج بودر
ملعقة نشاء
نصف ملعقة خميرة
رشه ملح
تخلط جميع المقادير مع بعضها وتوضع في البايركس
وثمن ترشين فوقها لوز مبشور
طبعا الفرن يكون شغال من تحت فقط لين تستوي
ولمن تستوي من تحت شغليه من فوق لين تشقر
وهذي صورتها....
اتمنى تجربونها ان شاءالله تعجبكم......
تسلم يدينك
واحلى تقييم