طبعا لاول مره بكل المنتديات الى انا مشاركه فيها احط
شئ من طبخى
الكسل بعيد عنكم + ماحب احبط ومالاقى ردود حلوة
تخليني اتحمس وشارك اكثر <<احب التشجيع
عموما بحط لكم صورة للحلويات الى سويتها للعيد
وكان نفسي اغلفهم مثل محلات الحلويات بس للاسف دورت
بالشرقية كلها عن ورق التغليف ومالقيت والحمدلله انى قدرت
اشكلهم بدون ماحتاج الورق واخليكم مع الصورة
من اليسار لليمين بالترتيب:
1-باونتي
2-كورات المارس بالكورن فليكس
3-بليسية
4-بسكويت محشو ملتيزرز
5-قلوب محشية قشطة وجالكسى
يالله نقول بسم الله
اول شي حبيت اوضح لكم صورة لوح الشوكولا الى استخدمته
بالاضافة للابيض
--------------------------------------------
طريقة عمل الحلويات
1-الباونتي:
المقادير:
ماعندي مقادير معينه بس مقاديرها هي
جوز الهند
حليب نستله مركز
التغليفه: جالكسي سادة حبتين + لوح شوكولا مره لون بنى فاتح
الطريقة:
نجيب بادية اوزبدية ونحط كميه جوز الهند الى نبيها وبعدها نصب الحليب المركز عليها شوى شوى لين تصير لى عجينه شبه قاسية يعني مو رخوة مره بعدها نكورهم لين تخلص الكميه وعشان اسهل على نفسي غرست بكل حبه عود اسنان ودخلتها الثلاجه تبرد بعدها حطيت الجالكسى مع صبع واحد بس من لوح الشوكولا المره ببخار الماي لين ماذابو وتجانسو وبعدين جبت الكرات الى سويتها ومسكت كل كورة من عودها الى غرسته فيها وهذا الهدف منه عشان تسهل على تغميسة بالشوكولا وغمستهم وحده وحده وصفيتهم بورق زبده لين قريب ماشفتهم بينشفون سحبت منهم العواد وحطيت مكان فتحت العود الى صارت بكل كورة شوية من الشوكولا السايله ورشيت عليها بسرعه قبل لاتنشف شوية جوز الهند
------------------------------------------------
2-كورات المارس بالكورن فليكس:
المقادير:
4 حبات مارس
3 كاسات كورن فليكس كرسبييز
250 غ أصبع زبده
التغليفه: لوح شوكولا مر غامق + 4حبات جالكسي سادة
الطريقة:
نحط على بخار الماي المارس و3\4 الزبده لين مايذوبون ويتجانسون بعدها ارفعهم من على النار وحط الكورن فليكس عليهم لين مايتجانسون تماما وبدات بعدها اكورهم لين ماخلصت الكميه اخليهم بالثلاجه واحط على بخار الماى الجالكسى مع ربع الزبده الباقية وممكن تستغنون عنها وبعد مايذوبون اغمس الكور فى الجالكسي السائل وصفهم بورق الزبده لين ماينشفون بعدها ذوبت شوكولا لون غامق وسويت خطوط على كل كورة
------------------------------------------------
3-البليسية:
أخذته من كتاب اطباق النخبة
------------------------------------------------
4-بسكويت محشو ملتيزرز:
المقادير:
4 حبات كيري
علبة بسكوت انا استخدمت ميموري
ملعقتين حليب نستله المكثف
شوكولا فليك الاصبع الكبير
علبة قشطه اوقيمر
التغليفة: لوح شوكولا غامق
الحشوة: ملتيزرز
الطريقة:
تعجن كل المقادير بالعجانه طبعا نكون طاحنين البسكوت عشان تطلع لنا عجينه ناعمه ولو شفتى العجينه لينه مره زيديها شوية بسكوت بعدها نكورها ونحط بداخل كل كورة حبه ملتيزرز ندخلها الثلاجه ونحط على بخار الماي الشوكولا الغامقه ولما تذوب نطلع الكور ونغمسهم فيها ونرش على وجه كل كورة شوية فليك
------------------------------------------------
5-قلوب محشية قشطة وجالكسى:
المقادير:
هذا الحلى من اختراعي
اولا تحتاجين قالب لصب الشوكولا فيه يكون قالب مطاطي مثل هذول
التغليفة: لوح شوكولا غامق + بنى + ابيض
الحشوة: قشطة + جالكسي سادة +جالكسى الحبيبات وهذى صورته
الطريقة:
تجيبين القالب وتذوبين لوح الشوكولا الغامق وتصبينه بالقالب لين ماياخذ شكل القالب ودخلينه الفريزر بهل وقت تذوبين الجالكسي الساده وتحطين معاه شوية من الوح الغمق الى ذوبتيه قبل مقدار 3 ملاعق واذا شفتيهم تجانسو وذاب تماما الجالكسي شيلهم من على البخار وحطي معاهم ملعقه قشطه وخلطيهم بتلاحظين انه تقطع هذا المطلوب
نطلع من الفريزر القالب ونصب علية الحشوى بعدها اجيب حبات الجالكسى واقسمهم نص وحط داخل كل قالب نص حبه ودخلهم الفريزر بعدها ذوبت شوكلا بنى وصبيته على القالب بيصير هو القاعده بعد مانطلع الشوكولا من القالب وبعد مانطلع الشوكولا من القالب نكون ذوبنا الشوكولا البيضاء ونرشها على كل قالب على شكل خطوط عرضية
وسلامتكم واسفه انى ماحطيت المقادير بسرعه ماقدرت انام قلت حرام ارجع احطها لهم
الموضوع موضوعى بس الصور للامانه خذتها من النت واسفه ماقدرت اصورلكم الطريقة لانى كنت وقتها مره مشغولة
والله يعطيج العافيه