كيفكم اليوم حبيت انزل لكم صور للحلويات اللي سويتها
لقهوة اختي واللي هي ثلاثة انواع عبارة عن:
حلا العلب ,,حلا الشعيرية,,حلا الفناجيل
نبدا بحلا العلب:جيبي العلب الخاصة بالحلا
وحطي فيها بسكوت سمسم وهاذي الصورة
والطبقة الثانية عبارة عن علبة بسكوت مطحون مع 3م زبدة وم ك قشطة
قلبيها مع بعض لين يتجانس وصبي في كل علبة ملعقة وحدة
واخيرا اخلطي 3 فناجيل نستلة مع 5 حبات كيري
وهنا صورة ثانية توضح الطبقات
وبكذا انتهينا من الحلا الاول ونبدا بالثاني حلا الشعيرية
جيبي كيس شعيرية وكسريها وسط ثم احمسيها مع شوية زبدة حتى تشقر واثناء ذلك تكونين حاطة على النار كاس حليب مع كريم كرامل على النار حتى يبدا يفور بعدين
ارفعية عن النار وحركيه حتى يبرد شوي وحطي علبة قشطة وحركية بسرعة ثم صبي عليه الشعيرية وصبية في الصينية وحبذا لو تكون مقاس صغير حتى ياخذ سمك مناسب
وصفي عليى علبة بسكوت ودخلية الثلاجة وسوي الطبقة الاخيرة اللي هي نستلة مع كيري واعذروني نسيت اصور الخطوات من الفوضى والحوسة اللي كانت عندي
وجينا للحلا الاخير واللي هو حلا الفناجيل يمكن هو نفالطريقة لكن انا غيرت الحشوة الداخلية اول شي نجيبالفناجيل ونغلفها بكيس نايلون نفس الصورة
علبة ونص بسكوت مطحون معجون بقشطة م كاكاو حتى تصيرعجينة متماسكة
ونحطها بالفنجال حتى تاخذ شكلة
بعدين نسوي الحشوة وهي عبارة عن جوزهند حسب الفناجيل انا سويت 15 حبة والجوزهند صبيت من الكيس على طول حسب تقديري وحطيت علية ربع علبة نستلة مع م نشاء وحركتة بعدين سوي كريم كرامل (كاس حليب مع كيس كريم)واصب على دفعات حتى صار مثل العجينة وللاسف ماصورته ثم حطيته بالفناجيل واخيرا غطيته بشوكولاتة نوتيلا وبالعافية
الشكل النهائي
وبالعافية واي استفسار انا جاهزة