اعذروني انقطعت عنكم شوي..لني مشغول بافراح اليوم الوطني
الله يحفظ قطر واهلها من كل شر
قبل اليوم الوطني الغالي على قلوبنا كلنا استعدينا له
وبما ان امي ابلة سويت هالتغليفة للحلويات حتى توزع في احتفال اليوم الوطني بالمدرسة
والحمدلله نالت اعجاب الجميع والمديرة والكل شكر امي فديتها
واتمنى تنال اعجابكم
الخطوة الاولى
اشترينا الشوكولا للتوزيع .. وطبعت علم قطر.. وعبارة تهنئة للوطن
قصصت الاعلام والعبارات على قد الشوكلت
لزقتهم بالصمغ
اشتريت من راعي الورد .. وردتين وحدة عنابية ووحدة بيضا على لون علمنا وحطيتهم مع الحلويات
وطبعا قطر تستاهل الاجمل والاحلى دائما
وكل عام وانت بخير ياوطني..
اليوم كان عندنا اجازة ..وحضرنا الاحتفالات عالكورنيش كانت قمة الروعة ماشاء الله
وكل شي حلو ..والجو بارد وحلوو..والكل مشتي يا سلااااااااااااااام..
واعلام قطر في كل مكان
ان شالله اوافيكم ببعض الصور الي التقطتها عشان تعيشون معاي الحدث..:)
واعذروني لعدم تواجدي هاليومين ..
