حلويات بنات عالم حواء غير - اشكرهن جميعا

اتمنى من المشرفات مايحذفون موضوعي لأني فاتحه موضوع عشان اشكرصاحبة هالحلا واقولها ياجعل ربي يوفقك

جعل يدياتك تحرم عن النار والله يوم سويته بيض الوجه معي حتى زوجي انهبل عليه وجاراتي ارسلولي يبون طريقته

حلو سهل ومتوفره مكوناته في كل بيت ولا يبي تعب وطعمه واووووووو شموع الذكريات الله يوفقك ياقمر واعيد مقاديره

وطريقته ومن حلاوته بعتمده عندي


والحين أكتب الطريقه والمقادير مصوره
أولاً: شعيريه باكستانيه تكون المحموسه (جاهزه ) (وإذا كانت لسى ماحمست فأحمسيها في شوي زبده)
( وظرف كريمه)

سوي الكريمه بالطريقه العاديه أنا حطيت على حسب صينيتي كوب ونصف مويه وملعقتين حليب بودره وشوي سكر وظرف كريمه ولما تبداء الكريمه تغلي حطي عليها الشعيريه المحموسه وصبيها في الصينيه وبسرعه بتتماسك معاك
وهذي صوره أقرب تشوفين كيف صار شكل الشعيريه مع الكريمه

ثانياً:
الطبقه الثانيه عباره عن
الصوره تحكي
صفي البسكوت على الكريمه طبقه وحده ودخليها الثلاجه

في هذي الأثناء حطي في الخلاط 6 حبات كيري مع نصف علبة حليب مركز محلى وصبيها على طبقة البسكوت ودخليها الفرن عشان تتماسك
وأنتبهي تسوين زيي أنشغلت شي بسيط جيت قد تحمرت شويه
وفي النهايه زينيها زي ما يعجبك والف الف صحه وعافيه
أنا قطعتها قبل ماتجمد وتتماسك لأن كان عندي ضيوف جايين فجأه
بس بصراحه أكلوه ماتركوا له أثر ولا كان نفسي أبقي لكم

وبعد اشكر صاحبة موضوع حلا الماركات كل من ذاقه انهبل عليه واو خرافي الصراحه وحلا الضومنه بعد

والصراحه كل حلا اجربه من هنا من هالمنتدى يطلع مضبوط وحلو مشكورات يااحلى بنات وجاري تطبيق الباقي

بقرب فرصه