ماكو اسامي

ماكو اسامي @mako_asamy

كبيرة محررات

*حلويات رمضانيه*

اطباق عالم حواء

مرحبا
اول شي بعطيكم طريقة القشطه العاديه
وقشطة الجبن وهي تصلح لحشو الكلاج او البقلاوه او الكنافه العاديه او المفروكه
القشطه العاديه

كوب ماء
1/2 كوب حليب بودره
ملقه اكل ونص طحين ابيض
علبة قشطة نستله
ذرة فانيلا
اضربي كل المقادير بالخلاط ما عدا القشطه ضعيها في قدر على النار وما ات تغلي خففي النار واتركيها دقيقه مع التقليب المستمر ارفعيها واضيفي لها القشطه

قشطة الجبنه
علبة جبن فيلادلفيا 300 جم او ما يعادلها جبن كيري او اي جبن كريمي ابيض مقشود
علبة قشطة نستله
ذرة فانيلا
تخلط مع بعض جيدا بالمضرب وتكون جاهزه للحشو

القشطه بالموزاريلا
نفس اول طريقه فقط نضيف لها نص باكيت جبن موزاريلا مبشوره مع القشطه بعد ما نرفعها من النار


الوربات



كل نص كيلو وربات او عجينة الكلاج او البقلاوه تحتاجين ربع كوب سمن مذوب في 1/2 كوب زيت والحشوه الاولى رائعه حتى الثانيه تصلح

افرديها 8طبقات فوق بعض بين كل 3 طبقات ادهني بالفرشاة من الدهن
قطعيها مربعات متساويه


احشي كل مربع بوضع ملعقه موسطه من القشطه في نص المربع وسكريه على بعض



ترص في صينية مدهونه بالسمن
اسقي بغزاره كل وحده بالدهن الباقي وادخليها الفرن حتى تشقر

الكناااافه
كل نص كيلو تحتاجين ربع كوب سمنه مع قالب زبده لورباك الصغير 113جم ذوبيهم وسيحيهم على بعض

دهني الصينيه بالدهن الل سيحتيه وزعي قطع من اللوز او بلاها لو ماتبين مكسكرات


على نار خفيفه ضعي الكنافه مع الدهن كله وقلبيه حتى يتشرب كويس ترى لو ما انشرب عدل بتفك معاج


وزعي نصف كميه الكنافه بالراحه على اللوز ثم ضعي الحشوه في النص ولا تقتربين من الحواف وسكريها بباقي الكنافه


تدخل فرن حار من تحت تلاحظين انها اشقرت كويس ارفعيها فوق ومو شرط تتحم حيل من فوق لأنك بتقلبينها
اسقيها بالقطر الدافي (اثناء طبخ القطر او الشيره ضعي قشره ليمون مع قشرة برتقاله وارفعيهم بعد الغليان يعطون نكهة عطريه للكنااااافه:32:

17
2K

يلزم عليك تسجيل الدخول أولًا لكتابة تعليق.

تسجيل دخول

ماكو اسامي
ماكو اسامي
حلو مقلي
3 كوب طحين
علبة روب او زبادي
علبة قيمر كي دي دي الكبيره
ملعقه وسط خميره
1 م ص هيل ناعم
تعجن جيدا ولو حسيتيها تلصق رشي رشة طحين ا حسب ما تاخذ اتركيها ترتاح ساعه ثم شكليها واقليها وسقطيعا بالقطر وبالعافيه




ويا رب ينول الرضى

لا تنسونا من دعاكم الغالي:27::27:
زهرة النوير
زهرة النوير
الله يعطيك العافيه يالغاليه ( ليش ما حطيتي اي اسم علشان نكلمك فيه ؟)

ومشكوره على الصور 0 ممكن اعرف اي ماركه احسن للوربات؟
ماكو اسامي
ماكو اسامي
الله يعافيج ويسلمج يا اختي
كل الاسامي اللي احبها طارت كل يقول موجود يوم مليت حطيت هالاسم

شوفي احسن ماركه للوربات هي الكرامه امريكانا ناشفه هذا اللي نتوفر عندنا بالجمعيات في نوعيه يديده بس ما جربتها والله على طول اييب الكرامه المقصصه مربعات او حتى الكبيره وحتى الكنافه مالتهم احلى من امريكانا
تحيااااتي لج:26:
HOT CHOCOLATE
HOT CHOCOLATE
جزاك الله خير
ماكو اسامي
ماكو اسامي
تنيل
يا هلا اختي
القيمر او قشطة كي دي دي عندنا مقاسين الكبير 250 مل يعني ربع لتر والصغير 125 مل يعني نص الكبيره
والمفروض نستعمل الكبيره ولو مو محصله يعادل كوب كامل قشطة نستله او اي نوع قشطه

والعجينه طبعا طريه وقلت لو تبي رشة طحين عطيها حتى تحسين انها متماسكه انا تضبط معاي ساعات بهالمقادير بس يعتمد على الطحين مو دايم يكون مضبوط في طحين يشرب
وعلى فكره ساعات اكسل اسويها بهالشكل يعني اعجنها واريحها وبعدي اسويها حبل رفيع واقطعها بالسكين واقليها وممكن تفرد وتقطع بالقطاع نجوب وقلوب
والشيره طبعا بارده
وممكن ترشين عليها جوز هند مبشور او فستق مفروم :26:
وبالعافيه