حلويات رووووووووووعه دشي منتي خسرانه منقول

بقلاوة زبدة الفول السوداني

حلى لذيييييييييذ وطعمه نفس طعم الحلا المغربي اللي طاحوا فيه
ومن الحلايات اللي تتفرزن بالراااااحه

المقادير :: 3 ونصف ك دقيق ../.. 2 اصبع زبده لين ../.. ربع كوب زيت ../.. ثلثين كوب ماء
تعجنينهم سوا ، بس ترى هالمقدار مره كبير ، اللي بتشوفونه بالصور انا مسويه نصف المقدار و طلع كميه محترمه





بعد ماتنعجن افرديها وقطعيها دوائر -ماتحتاج تخمير -
ادهني جهه من الدوائر بالبينت بتر ويفضل الخشن ولفيها رول واقفليها من الطرفين مثل الصوره








وصفيهم بصينيه ودخليهم الفرن بس خليك عندهم تراها ماتاخذ وقت ابد


من تشوفينها حمرت من تحت حمريها من فوق ..
وأول ماتطلعينها وهي حاره صبي عليها شيره تكون خفيفه وخليهم شوي بالصينيه حتى يشربون الشيره
لانه بتلاحظين ان الشيره على طول بتنزل تحت ماراح تشربها من فوق
لما تترطب من تحت اقلبيهم وخليهم بالصينيه حتى تشرب شيره من الجهه الثانيه




بعدين رشيهم بفستق مطحون ورتبيهم بصحن التقديم ..
مقرررررررمشه ولذييييييييذه ... وبالعااااااااافيه عليكم

بـايـات منـوعـه
عجينتها عجينة الباي التقليديه وكثير منتشره وخاصه اللي بالتمر - -
بس الفكره هنا اني شكلت بالحشوات حتى ترضي جميع الاذواق وتعطي منظر روووعه بالتقديم
وافضل انك تسوينه بنفس يوم المناسبه بس تقدرين تسوينه من بدري ماراح يتغير ..

مقادير العجينه :: كوب وربع دقيق ../.. اصبع زبده لين ../.. 1 فنجان قهوه سكر بودره ../.. 5 حبات كيري
نخلط الدقيق والزبده سوا لغاية مايختلطون زين ونضيف السكر ونخلط وبالأخير الكيري ونعجن





نجيب صينية القوالب الصغيره ونلبسها بالعجينه ونحشيها ..
الحشوات :
1 / حشوة التمر التقليديه
وهي عباره عن تمر تقسمين الوحده لاربع اقسام وتحطين بكل قالب قسم
بعد كذا تخلطين بالخلاط : بيضه ../.. نصف كوب سكر بني ../.. ربع كوب سكر عادي ../.. فانيليا
ونصب شوي فوق التمر ونزينه باللوز المبشور





/ حشوة التفاح
ابشري تفاحه واخلطي معها 1 م ك قرفه و 1 م ك سكر بودره .. واطبخيهم سوا عالنار لغاية ماتصير كأنها مربى
حطي شوي بالقوالب بعدين غطيها بالخلطه التاليه :
نصف علبة حليب نستله ../.. 4 حبات كيري ../.. شوي نسكافيه





/ حشوة التشيز
اخلطي بالخلاط : 5 حبات كيري ../.. 2 بيض ../.. ثلث كوب سكر ../.. فانيليا
وعبي القوالب






دخلي القوالب للفرن ربع ساعه او اقل بتحمر من تحت وحمريها شوي من فوق
بعد ماتطلعينها اتركيها تبرد .. زيني قوالب التمر بسكر بودره ، وقوالب التفاح بسكر وشوي من الحشوه ، والتشيز بحبة فراوله من الباي فيلينق الجاهز
وحطيهم بالثلاجه لغاية وقت التقديم .. وبالعاااااااااااافيه








كـوفـي كـب كيـك


وهذا من ألذ الكيكات اللي اكلتها بحياتي .. احبه بشكل جنوني يمكن لان له ذكريات خاصه
الطريقه الاصليه عباره عن كيك بصينيه عاديه وخلطه فوقه بس صرت اعمله بقوالب الكب كيك وازينه بالكريمه احلى
دعواتكم للي كانت تصلح هالحلا لي مخصوص لاجيتهم بالرحمه والمغفره وجنات النعيم

مقادير الكيك :: 4 بيضات ../.. 1 ونصف كوب سكر ../.. نصف كوب زيت ../.. 2 كوب دقيق ../.. 1 م ك بيكنج باودر ../.. 2 م ك نسكافيه ../.. كوب حليب
الطريقه :: نخلط البيض والسكر لغاية ماتثقل وتبيض بعدين نضيف الزيت وقت الخلط
نخلط المواد الجافه لحال ونضيفها بالتناوب مع الحليب على خليط البيض
نلبس قوالب الكب كيك بالورق ونحط عليه شوي من الخليط وندخلهم الفرن مثل الكيك العادي





بعد ماتطلع نتركها شوي تبرد ونجهز الخلطه اللي فوق
المقادير :: علبة قشطة ../.. 2 م ك نسكافيه ../.. 1 دريم ويب ../.. ثلثين اصبع زبده مذوب
نخلط هالمقادير سوا زين حتى تتجانس بعدين نضيف عليهم سكر بودره مقداره حسب الرغبه
يعني حطي سكر بودره وذوقي لغاية ماتوصلين درجه الحلا اللي تبين ، بس حطي براسك بتحتاجين اكثر من كوب من السكر وخليها حاليه افضل



جيبي الكيك بعد مايبرد وجيبي مصاص العصير وسوي فيه فتحات بالكيك حتى تدخل الخلطه جوا
وشربيهم بالخلطه وكلما طلعت الفتحات ارجعي عبيها وبعدين دخليهم الثلاجه يبردون زين







اخفقي شوي من كريمة الخفق ولما تثقل حطي عليها من خلطة النسكافيه وقلبي شوي شوي بالملعقه



وبقمع التزيين صلحي الكيك من فوق ورشي شوي نسكافيه وقدمي اطلق كب كيك بالدنيا











انطروني باقي اخر حلى

حـلا الكـاسـات


احب الحلا اللي يكون مقدم بكاسات ، يعطي منظر فخم ومرتب خاصه اذا كان شكل الكاسات شيك
كاساتي اللي استخدمتهم هنا تراهم مرره صغار - مبينين كبار بالتصوير -

الطبقه الأولى :: علبة بسكوت شاي مطحون ../.. علبة قشطه ../.. فنجان شاي ماء ../.. فنجان قهوه سكر بودره ../.. ظرف كريم كراميل
اخلطيهم سوا وحطيهم بالكاسات




الطبقه الثانيه :: 3 مارس ../.. 3 سنكرس
سخنيها شوي بالمايكروويف حتى يسهل خلطها
بعدين اخلطيها بالخلاط مع : علبة قشطه .. وصبي شوي فوق الطبقه الاولى





الطبقة الثالثه :: 6 حبات جبن كيري ../.. علبة نستله كبيره
تخلط بالخلاط وعالكاسات ودخليهم بالثلاجه لوقت التقديم
وزينيهم بالكاكاو المبشور




المووووووووووووووووضوووووووووووووووع منقووووووووووول

عجبني وحبيتكم تستفيدون

وماتنسوني من ردودكم ودعواتكم ياعسل

مشكوره أختي
وجزاكـ الله خير ..

لكن مع الأسف الموضوع بيتقفل
لأنه منقول ...

يعطيك العافية