حلوي شتويه: طاجن القرع العسلي الرهييييييييييييييييييب بالمكسرات

جبتلكم طريقه طاجن القرع العسلي بالمكسرات حقيقي اللي هتجربها مش هاتندم ابدا
الاكله دي عاليه جدا في قيمتها الغذائيه و ايضا في سعراتها الحراريه
المقادير:
قرع عسلي
سكر
عودين قرفه او ربع معلقه مطحونه
لبن حليب
مكسرات مشكله وزبيب
5 معالق ويبنج كريم(اختياري)

نبدا باسم الله
اول حاجه نجيب القرع العسلي كل واحده تجيب كميه علي قد اسرتها
ثمقشريه و قطعيه او لو عايزه اسهل هاتي المكعبات الجاهزه من السوبر ماركت
وبعدين بالنظركده تحطي مكعبات القرع في قدر علي النار ومعاهم تقريبا نصف كميه القرع سكر(اللي بتحب الحاجه مسكره قوي تحط نفس الوزن سكر)
وتحط معاهم عودين قرفه كده بس من غير ميه لان القرع هينزل ميته ويستوي فيها
وخلي بالك لانه بيستوي بسرعه جدا
و اول ما يستوي (بس خلي بالك متهريهوش النه لسه هيدخل الفرن)تصفيه من السائل المتبقي و ارمي القرفه
وشيلي السائل علي جنب لاننا هانستخدمه في عمل البشاميل

نييجي للبشاميل
هوه ممكن يتعمل بطريقتين وده يتوقف علي اذا كنت عاوزاه دسم ولا خفيف
الخفيف :
بتحطي علي السائل المتبقي من طبخ القرع قده مرتين حليب طازج قليل الدسم
وترفعيهم في قدر علي النار وتحطي الدقيق معلقه معلقه مع الخفق حتي يصل لسمك معقول زي البشاميل العادي و اول ما يغلي غلوه اطفي عليه.
الدسم:
حمري 3 معالق دقيق في 3 معالق سمنه او زبده حتي يصفر لونها
ارفعيها من علي النار
اخلطي السائل المتبقي من طبخ القرع مع كميه من الحليب قده مرتين
وتدريجيا تضيفي هذا الخليط علي الدقيق شويه شويه مع الخفق
ثم ارفعي القدر تاني علي النار مع الاستمرار في التقليب
حتي يغلي غلوه وبعدين اطفوا عليه.

الان دوقوا البشاميل اذا كان ناقص سكر حطولوا شويه سكر
و بعدين هاتوا صينيه ادهنوها سمنه
وحطوا الاول القرع المطبوخ
وبعدين المكسرات والزبيب
وبعدين البشاميل
وبعدين وزعوا فوقهم الويبينج كريم
وحطوها في الفرن علي حراره متوسطه لغايه م الوش يحمر
وتؤكل دافئه مع الشاي
وبالهنا والشفا