حلو اشواك القنفذ
سويت هالحلو وكنت احاول اسوي حلو كويتي قديم اسمه ( دملوج ) اكلته مره وعجبني بس للاسف
ما قدرت احصل على الطريقه ..
اخذت عجينه حلو اسمه( بيض القطا )وحاولت وطلع معاي بالطريقه هذي ..
المقادير :
2 كوب طحين - 1قالب زبده سايحه - نص كوب حليب سائل - 1 م ص هيل ناعم
الحشو : 1 كوب سكر ناعم + 1 م ص دارسين ناعم ( قرفه )
للتغطيه: سكر ناعم
الطريقه :
1 - يغلي الحليب ويترك ليدفأ ...ثم يخلط الطحين + الهيل ونعمل حفره بالوسط نضع الزبده السايحه
ويخلط بالملعقه ثم يضاف الحليب بالتدريج ثم يعجن باليد جيدا حتى يصبح عجينه .
2 - يرش سطح المطبخ بالطحين ثم ناخذ قطعه صغيره بحجم البيضه تفرد على شكل دائره رقيقه
تقطع 8 مثلثات يوزع الحشو على كل مثلث ثم يطوى على نفسه ويدحرج على الرخام حتى يصبح قطعه متماسكه .
3- يقلى بالزيت ويترك ليبرد قليلا ثم يرش بالسكر الناعم
يكفي المقدار لصنع 64 قطعه ( يعني 8 كور )
هذي صوره العجينه وحجم الكره
طبعا هو ما طلع نفس الدملوج ..لكنه طلع لذيذ...و اتمنى يعجبكم ..
ومجهود تشكرين عليه ياقمر
والله يعطيك العافيه يارب ويرزقك خيري الدنيا والاخره
وشرحك واضح وممتاز ماشاء الله تبارك الله لا عدمناك