اليوم اخواتي احببت ان اضع لكم طريقة حلو الألبه لأن الكثير من الاخوات طلبوا مني طريقته
فتفضلوا معاي للمطبخ
اولا المقادير :
8 بيضات
كأس سكر
8 ملاعق كبيره ممتلئله حليب بودر
ملعقه صغيره هيل
رشة فانيليا
رشة ماء ورد ان احببت
4ونصف كاس ماء مغلي
الطريقة :
يخلط البيض مع الهيل و الفانيليا وماء الورد بخلاط الكيك حتى تكون له رغوة وفيره
هكذا
بعدها اضيف السكر واستمر بالخلط واتركه جانبا
اخلط الحليب البودر مع الماء المغلي بماعون آخر وهذا شكل الخليطين كل واحد لحاله
وبعد ذلك اسكب الحليب على البيض واخلطهم مع بعض شوفوا الخليط هنا جاهز
اسكبه بحذر داخل ماعون المطبق المعدن
شفتوا شلون الرغوه ماليه الماعون بس لا تخافون عادي تنزل مع الطبخ ونرش الوجه بالزعفران
نحطها بحمام مائي على النار
طبعا مثل ما انتوا شايفين قطع ليمون في الماء عشان لا يصير اسود الماعون وتتعب ايديني من الفرك والغسيل
وتترك على النار ما بين ( 20 - 40 ) دقيقه انا اخذت مني نص ساعه بالضبط واستوت و كيف اعرف انها استوت اغرس سكين بالنص وتطلع نظيفه ما فيها شي
شوفي شلون السكين نظيفه
وشوفوا شلون تناقص حجمها ونزلت الرغوه
ندخلها على طول الثلاجه ونخليها مغطاة علشان ما تروح ريحة الزعفران منها ونتركها تبرد تماما والافضل انا نسويها من الليل لبكرة اذا عندنا عزومه
وبالف هنا وعافيه اخواتي واي سؤال انا حاضره
محبتكم
مسك الخالدية
يسلموووووووو