هذا اختراعي الثاني للحلو بس شنو روووووعة :21: ولذيذ سويته بالمكونات الموجودة وطلع يمييي بس في عيب شرعي للي مسوين ريجيم واهوا دسم بس والله ان طعمه قمة بالروووعة " لا تكثرون" ، والله من حلاته ثاني يوم سويت صينيتين لرفيجاتي ولربع اخوي " اهوا اللي اطلبه فديت قلبه من حلاته :) "..
المقادير:
الطبقة الاولى:
علبه كيك جاهز "انا استخدمت ساراكيك"
صلصة الكاكاو السائلة
الطبقة الثانية:
علبة كريم كراميل
3-5 حبات كيري
1 كيس دريم ويب
ملعقة صغيرة نسكافيه
1/2 علبة كريمة KDD
الطبقة الثالثة:
علبة كريم كراميل
3 حبات كيري
1 كيس دريم ويب
1/2 علبة كريمة KDD
4-6 حبات اوريو مطحونة ناعم جدا
2 ملعقة كبيرة شوكولاته
الطريقه:
نطحن الكيك "بالفرك باليد" ويوضع في الصينية "نضغط شوي عليهم" ، ونصب عليه صوص الشوكولاته بهالطريقة..
يخلط الدريم ويب + كريم كراميل + الكريمة + الجبن + النسكافيه في الخلاط يوضع الخليط على الكيك..
ونصب علي الخليط صوص بهالطريقة..
يخلط الدريم ويب + كريم كراميل + الكريمة + الجبن + الشوكولاته + الاوريو المطحون في الخلاط و يوضع الخليط على الطبقة الاولى ويدخل في الثلاجة الى ان يجمد..
يرش على الوجه القليل من النسكافيه بالمشخال و الاوريو المطحون وتوضع في الثلاجة..
وهذا شكل الصينية ثلاث طبقات ولاحظوا شلون الشوكولاته سائلة من الطبقات يمييي يمييييي :21: ..
دعواتكم لأبوي الغالي ان الله يشفيه وطولنا بعمره وعمر أمي الغالية وللغالية دردشة "ام سعود" بالشفاء ..
وان الله يرزقني الــزوج الصالح الغني بدينه وماله وأخلاقه اللي يفرح قلب امي وابوي..
اللهم أميــــــــــــــــــــــــــن ..