حلو الأوريو .. عليه طلب خاصة من الرجال

بنات هذا حلو وبدون مبالغة 1-سهل 2-لذيذ 3-الرجال خاصة يموتون فيه (مادري ليش دايما يطلبونه مني بالذات) ...... تصدقون كل مرة اسويه لزوجي ياخذه معاه الدوانية مع كوم اطباق ثانية ترجع كلها الا هذا مايرجع الصحن لازم لازم احد يعجبه وياخذ الصحن معاه البيت ....

المقادير :

كرتون اوريو كبير (اللي تكون فيه اكياس صغيرة بكل كيس 6 حبات)
علبة جبن فيلادلفيا
علبة كريمة سائلة
حليب سائل (تقريبا نص كوب)

الطريقة :

-تطحن كمية البسكوت كلها مع الحشوة فيما عدا بعض القطع اللتي ستستعملينها للتزيين (العدد حسب الرغبة)
- يقسم البسكوت المطحون الى 3 اقسام تقريبا متساوية ...
1- الطبقة الأولى يعجن قسم من البسكوت مع الحليب السائل ويضغط في قاع الطبق
2- الطبقة الثانية يخلط الجبن والكريمة والقسم الثاني من البسكوت ويوضع فوق الطبقة الأولى
3- الطبقة الثالثة يرش باقي البسكوت فوق طبقة الكريمة ويساوى باليد ويدخل الثلاجة


وبس تقدمينه وتاكلينه وتدعين لي ...................... :)