حلو السور ( جيز كيك)عجيييييب الي تبي تتفضل ..

عزيزاتي البنات اقدم لكم حلو توني امسويه حلو عجيب خذيت طريقته من زميلتي بس صراحه مو يديد ..يعني قديم اشويه .. بس للي مو ذايقينه هذي اهي الطريقه ..

المقادير ..
=====

علبه ونصف كيك سارالي الباوند كيك (( المستطيله )) نكهة فانيليا ..
1 قيمر KDD
1 علبة جبن فيلادلفيا (( لايت)) ..
1 كيس دريم وب ..
واحد ونصف كوب ماء مغلي ..
واحد ونصف كوب ماء بارد ..
1علبة حليب نستله المحلى ( الكبيره ) ..
1 كيس جيلاتين مذاب بنصف كوب ماء حار ..(( لاتستخدمون علبة الجيلاتين الزرقاء تراها موشي انا استخدمتها وتوهقت .. استخدمو اي ماركه ثانيه ..))
1علبة جيلي فراوله كبيره ..

الطريقه ..
====

اولا لازم يكون عندكم القالب المتحرك القاعده ..

نجيب كيك سارالي ونقطعه شرائح ونصفه في قاع القالب وحول القالب بحيث يصير القالب كله كيك بالقاعده وداير مدايره ...

عزيزاتي في طريقتين .. اما انج تشربين القاعده بقليل من جيلي الفراوله ليعطي شكل ورخاوه للكيك او انج تتركينه بدون تشريب مع اني افضل الطريقه الاولى لانه اذا ماشربتي الكيك يصير جاف اشوي ..بس ملاحظه انا ماحطيت مقدار التشريب من ضمن المقادير اللي فوق يعني انتي جيبي جيلي فراوله صغير وذوبيه بمعرفتج (( طريقة التذويب موجوده على علبة الجيلي )) وصبي اشوي منه على الكيك وحطيه بالثلاجه الى ان يجمد ..

الحين ..جيبي القيمر والجبن وحليب النستله والدريم وب والجيلاتين المذاب ويخلط بالخلاطه جيدا ثم يصب فوق الكيك عقب ما يجمد الجيلي ..وتحطينه بالثلاجه الى ان يجمد جيدا ..(( ملاحظه )) لازم يكون الجيلاتين مذوب عدل ولا ماراح يصك الخليط عدل ...

بعد مايصك الخليط ..جيبي علبة الجيلي وذوبيها بقلاص ونص ماء حار ثم حطي عليها ماء بارد واخلطي الجلي عدل .. وصبيه فوق خليط الجبن شوي اشوي ولا يتقطع بعدين ..

وافضل انج تجيبين ملعقه كبيره وتصبينه بالملعقه وحده وحده ..

ثم يوضع بالثلاجه .. الى ان يجمد جيدا .. وبعدين تفتحين الماعون (( لان قاعده متحركه مثل ماتعرفون )) وتحطينه بصحن تقديم وبالعافيه ..:02: :27:

ادعو لي