حلو الكراميل بالبيبسي لعشاااااااااق البيبسي

السلام عليكم ورحمة الله وبركاته
مع اني ما احب البيبسي وصار لي فترة مو قصيرة قاطعته بسبة البلاوي اللي طلعت عنه وشنو يسوي بالجسم بس جبت لكم هالحلو اللذيذ واللذيذ واللذيذ لانه عن جد يستاهل هالدعاية وبتسوينه لضيوفك شرط يعجبهم ويسألونك عنه جربوه اليوم وردوا علي بسرعة تعلموني رايكم فيه

المقادير "
علبة كيك قصدير " أمريكانا أو سارالي أو بترا " وانا افضل كيك سويسرول فانيليا
يقطع شرائح ويلبس قاع الصينية يصب عليه الخلطة التالية بعد مزجها بالخلاط الكهربائي وهي

قيمر واحد
2كيس دريم ويب
1 كريمة حمرا "kDD'
6 حبات جبن كيري
3ملاعق سكر عادي

بعد الخلط يصب على الكيك وتدخل الصينية الثلاجة او الفريزر حتى تتماسك الطبقة ثم نضع الخلطة التالية"


علبة بيبسي + كريم كراميل + العسل الخاص فيه + نصف كوب ماء دافي مذاب فيه نصف كيس جيلاتين
تمزج هالخلطة وتوضع على النار حتى تغلي ثم تترك قليلا وتصب بحذر على الصينية السابقة ويرش عليه لوز مبشورويدخل الثلاجة حتى تتماسك الخلطة الثانية ويؤكل بالعافية

لاتطوفونه تراه عن جد روووووعة وسلاااااام