هذا الحلو الله يسلمكم سويته لامي عشان كان عليها الريوق "الفطور" بالدوام ، والله ان رفيجاتها احلفوا انهم ما يدخلونها من باب الدوام اذا ما يابت الطريقة ، وترى سويته لان ما كان في بالي شي وحطيت شي على شي لما طلع يميييي ..
المقادير:
علبه كيك جاهز "انا استخدمت ساراكيك بالكاكاو"
2عصير مانجو
2 علبة بسكويت جلكوز
علبة كريم كراميل
1/4 كيلو قشطة أو 2 علبة كبيرة قشطة KDD
شوكولاته هيرشي السائلة
كاكاو ميلتز الكرات
الطريقه:
نقطع الكيك شرائح ويوضع في الصينية انا ضغطت عليه شوي..
ونصب عليه العصير بهالطريقة..
نصف البسكويت بهالطريقة عليه..
ونصب عليه العصير بهالطريقة ونتركه بالثلاجة 15 دقيقة او اقل بس عشان يتشرب البسكويت العصير..
نخلط الكريم كراميل + القشطة يوضع الخليط على الكيك والبسكويت بهالطريقة..
ونصب على الخليط صوص الكاكاو بهالطريقة..
نخطط بالسكين لحد مايصير شكلة جذي ..
نحط كرات الميلز جذي او باي طريقة تحيون "التزيين على حسب الرغبة" وتوضع في الثلاجة "انا سويتها بالليل يعني تمت بالثلاجة على الاقل 10 ساعات"..
وهذي صورة اقرب..
وعليكم بالعافية..
دعواتكم لامي حبيبتي بالصحة والعافية وطول العمر ويفرح قلبها فينا "اعيالها" ،ولي بالزوج الصالح اللي يفرح قلبي ..
تسلم ايدينك ويعطيكي الف عافية
:26: