حلو المنجا بالكريمه والفواكه المشكله ايهبل للي تبي تتفضل ..

السلام عليكم عزيزاتي ..

توني يايبه لكم وصفه من زميلتي بالدوام جربتها وطلعت لذيذه قضو عليها الاهل بعشر دقايق ماشاء الله .. :)

اليكم المقادير ..

==========

1 كيس منجا مثلج (( ينباع بالجمعيات ))
2 علبة جيلي مشمش .. يفضل نوع رويال ..او فوستر كلاركس ..
1 كيكة سارالي الاصليه نوع الفانيليا (( الباوند كيك المستطيله )).. او كيك سويسرول العادي حسب الرغبه طبعا ..بس انا عندي سارالي احلى ..
2 علبه فواكه مشكله ..(( العلب الحفوظه )) ..
1 كريمة KDD العلبه الحمراء .. انشاء الله تكون موجوده بالسعوديه والدول الخليج لاني ما اعرف البديل لها ..
1 علبة قيمر KDD الغلاف الاصفر ..
1 علبة جبن فيلادلفيا .. اختاري نو ع لايت الخاص للرجيم اخف اشوي ..

=========

ناتي للطريقه ..

تاخذين الكيك وتقطعينه شرايح وتصفينه في قاع القالب اللي بتسوين فيه الاكله .. والقالب لازم يكون عميق اشويه مو وايد .. وبعدين تصبين على الكيك عصير ..(( علبه وحده فقط من علب الفواكه المشكله )) ..بعدين تخلين القالب على جنب اشويه ..

الحين تاخذين القيمر والكريمه والجبن وتحطينه بالخلاط وتخلطينهم عدل ..


الحين تذوبين علبه وحده من الجيلي في (( نصف)) قلاص ماء حار وذوبي الجلي عدل عدل بعدين صبيه فوق خليط الجبن والكريمه وشغلي الخلاط ليما ينخلط عدل الحين جيبي (( قلاص ونصف )) من المنجا المثلج بعد تذويبه ..وصبيه فوق الخليط واخلطيهم عدل ..بعدين صبي الخليط كله فوق الكيك وحطيه بالثلاجه ..

واتركيه ليما يصك الخليط يعني ساعه الا ربع تقريبا ..

عقب ما صك الخليط وتتاكدين باللمس من انه صك .. تاخذين 2 قلاص منجا مثلج بعد ماتسيحينه .. وتذوبين علبة الجيلي الاخرى في (( نصف قلاص )) ماء حار وتخلطينهم بالخلاطه .. ثم تصبينهم على الخليط الصاك ويترك بالثلاجه حتى يجمد تماما ..

وبالهناء والشفاء .. ادعولي وعطوني رايكم او كي ..