المقادير :
بسكويت شاي اي نوع "اللي استخدمته ماري"
المهلبية "نبيها جامدة شوي" :
3 أكواب حليب
3/4 كوب سكر
4 ملعقة طعام نشا
1 ملعقة ماء ورد أو زهر
جلي أي نوع "استخدمت الفراولة"
وممكن تضيفي فواكة من نوع الجلي "يطلع طعمها روعة :32:
الطريقة :
طريقة عمل المهلبية:
نخلط النشا والسكر ونبدا نضيف الحليب تدريجيا مع التحريك حتى يختلط تماما..
يوضع المزيج على نار هادئة ونستمر بتحريكه حتى يثقل قوامه..
يضاف ماء الورد ويرفع من على النار ..
والحين نطبق الحلو :42: :
نضيف شوي مهلبية حارة بالطبق ونصف عليها طبقة البسكويت ، نكرر الحركة مرتين "يعني يصير عندنا طبقتين بسكويت" أو أكثر على حسب الذوق..
نغطي الطبقة الأخيرة بالمهلبية وندخلها الثلاجة لحد ماتجمد نهائيا..
نطلعها ونضيف عليها الجلى "لما نسويه نخليه يبرد شوي" وندخلها مرة ثانية الثلاجة لحد ماتجمد نهائيا..
ملاحظة:
أكيد راح يزيد وياج مهلبية ممكن تقدميها بأكوان بنفس الفكرة ، أو سادة بس بتكون جامدة شوي ..
وممكن تسوين طريقتج بالمهلبية اللي انتي متعودة عليها مو لازم طريقتي :) ..
وهذي صورة الحلو النهائية..
وهذا بعد التقطيع "كل ما كانت المهلبية جامدة يطلع التقطيع مرتب بهالصورة هذي"..
وهذا من داخل الطبقات باينة..
وهذا من الجنب "عشان يوضح ارتفاع الطبقات"..
دعواتكم لأبوي الغالي ان الله يشفيه وطولنا بعمره وعمر أمي الغالية..
وان الله يرزقني الــزوج الصالح الغني بدينه وماله وأخلاقه اللي يفرح قلب امي وابوي..
اللهم أميــــــــــــــــــــــــــن ..
الله يوفقج و يعطيج ما تتمنين :)