حلو ظريف وسهل ولذذذذذيييييييييذوغريب بعد

مساكم الله بالخير ... ما بقى شي على العيد الله يتقبل منا ومنكم، وبالعيد تكثر العزايم والجمعات الحلوه، واليوم يبت لكم حلو انما ايييييه سهل وراح يضبط مع الكل والاحلى انه غريب ولذيذ وراح تقدمينه وانتي رافعه راسج وما تعطين احد ويه....حشى ما صار طبق حلو!!
يلا ما اطول عليكم ....
راح تحتاجون:
*علبه كيك جاهز بيتي كروكر اللي انتي تضيفين له البيض والحليب.....الخ (على كاكاو)
*كاكاو ارو او جالكسي تذوبينه بحمام مائي
*علبه قشطه (قيمر)
*فراوله فريش
*أوراق نعناع فريش (أدري راح تستغربون،بس ما عليه)
الطريقه:
الله يسلمكم تعملون خليط الكيك حسب تعليمات العلبه، وبعدين تصبينه في قوالب الكيك الصغيره مالت الفرن اللي تكون صينيه كبيره وفيها فتحات دوائر للكيك (المافن) للي ما يعرفها، وتخبزينها لين تستوى بعدين تخلينها تبرد:time:
وتكونين مذوبه الكاكاو وتضيفين له القشطه وتخلطينهم عدل، وبعد ما يبرد الكيك تمسحين على وجه كل حبه من الكيك شويه من خلطة الكاكاو، بعدين تقطعين الفراوله نصين وتحطين نص حبه على كل كيكه، وبعدين يم كل حبة فراوله تحطين ورقة نعناع....
وبس شفتوا اشلون سهله!!! وترا طعم الفراوله مع الكاكاو والنعناع خططططططيييييييررررر
صدقوني عجيب لا يطوفكم..... وعيدكم مبارك مقدما:32:
اختكم سر الاسرار تنتظر ردودكم:34::o:21: