*رومانس*

*رومانس* @romans_3

عضوة نشيطة

حلو لي مشكلتي الله يعافيكم

الملتقى العام

في البدايه اشكر كل من يقوم بالرد على موضوعي او اعطائي المشوره والنصيحه وجزاكم الله خير

مشكلتي هي معا اخي


عندي اخ اكبر مني تقريبا بسنتين كان مضرب المثل في الاخلاق ويحب اخواته كثير ولا يرضى يزعلهم ابد مهما كانت الظروف تزوج وكانت حياته الزوجيه من احلى من يمكن بعد فتره قالوا له الاطباء انك ما تقدر تنجب وهو راضي الان بنصيبه ،، المهم مالكم بالطويله معا الايام اخوي تغير ما عاده اخوي اللي انا احبه ويحبنا ويعطف علينا صارت مشاكله كثيره خصوصا معا اخواتي في البيت لانه ساكن معهم في نفس البيت ما عاد يطيق احد ولا حتى زوجته صارت تتعوذ منه ،، المهم ,, لنا عمات اللي هم اخوات الوالد يعني هما من سن اخواتي دايم يروح لهم يومين وهو مسنتر عندهم وسواليف وضحك ووناسه معهم بشكل غير طبيعي المهم مرض الوالد وسافر ومعاه اخواتي وكانت وحده من اخواتي تعبانه ومافيه الا اخوي الصغير مسكين يودي وحده مستشفى ووحده يوديها سوق وكل وحده لها طلباتها تعرفون في الصيفيه وزوجات ولازم من اسواق وفراره ومراجعات للوالد وانا كنت معاهم وطلبات لاولادي ولا يعلم بحالنا الا الله واخونا الكبير ما سافر معانا ما تلاقينه الا عند العمات المهم رجعنا من سفرتنا هاذي والاخ ولا همه ووحده من اخواتي تاخرت ما جت بسرعه واتصلت عليه قالت استقبلني قال اجلسي في المطار المهم انه وصل حدي وما عاد فييني اصبر طبعن كلمته انا من اول ما فيه فايده ويوم شفته تصرف هاذا التصرف معا اختي ما قدرت اصبر وكمان زوجته قالت له تعال خذني من عند اهلي قال خليك الى بكره وانتي نكدتي عليه وقام يدعي عليها
المهم باقول لكم التصرف اللي تصرفته معاه وما ادري هل سويت شي غلط او صح
ارسلت له رساله قلت له اني صرت اكره عماتك من كثر ما تجلس عندهم واحنا منت معبرنا وترى عماتك كذا وكذا وسبيت عماته وما سبيت الا بالشي اللي فيهم الله لا يبلانا المهم الا وما كأني الا عدوته اللي ارسلت له مو اخته انتي مالك شغل ومن هالكلام ويدافع عن عماته بشكل غير طبيعي
المهم يروح للوالده وشوفي بنتك ايش ارسلت لي ،، طيب الرساله بيني وبينك ايش دخل الوالده في الموضوع وقامت امي تتصل عليه وانتي اذا مت او جاني شي فا انتي السبب وليش تسبين عماتك مالك دخل فيهم ومن هالكلام اختي اللي اصغر مني سمعت الكلام وقامت تدافع عني وشب فيها اخوي وقال رسالة اختك الكبيره باوصلها لعماتك عاد انا ما ابغا المشاكل معا عماتي ما ني ناقصه يكفي اخوي كلمه زوجي قاله لا توريهم الرساله وقال طيب
والله الحين اني قاعده اكتب وابكي لعماته تقدير غير طبيعي ومالنا الا السفاله والمشكله يقول لا احد يقول في عماتي شي طول الوقت وهو قاعد عندهم واذا جا البيت لا يتكلم ولا يضحك ولا هو طايق احد ومعاهم ضحك وسواليف ولا ويقول لا تقولون شي علي عماتي ،، المشكله ان امي احيانا تزعل عليه ولا همه قاعد سواليف معا زوجة جدي الثانيه اللي هي ام عماتي ويوسع صدرها
الحين سؤالي هل انا غلطت في ارسالي للرساله وهل استمر مقاطعته وهو بذا الحال اللي لا يرضه الله ولا خلقه يعني ما خلينا ما دعينا له حاولنا فيه ما فيه فايده واللي قاهرني زوجته صابره عليه مسكينه يعني لا اولاد ولا رجال يحافظ في مشاعرها وماسك عليها باطلقها واطلقها

الله يخليكم تقولين لي ايش الحل ولكم مني دعوه صادقه
8
811

يلزم عليك تسجيل الدخول أولًا لكتابة تعليق.

تسجيل دخول

*رومانس*
*رومانس*
24 مرور ولا احد رد ،، من يرد عليه ولها دعوه صادقه مني
المشغوولة
المشغوولة
والله ما أدري وش اقول
حطوا له ماء مقري فيه قرآن يشربه بدون علمه واذا تغير معناه الوضع فيه إن
وإلا شي من أثر عماتكم يمكن عين منهم على رعايته لكم
الله يحننه عليكم يارب
أم البراء2002
أم البراء2002
كان نفسي ارد عليك بشيء يفيدك بس والله مو عارفه لك حل مالي الا ادعيلكم الله يساعدكم ويرده لكم.
سمو الشيخه999
سمو الشيخه999
إن شاء الله البنات يساعدونك ,,
اشراقه الدمام
الله يعينيكم


فيه جو عند عماتك اعجبه وغير صفاته

حاولو تعرفون وش اللي عندهم ومش عندكم ..