يا حبيبات قلبي اليوم جبت لكم وصفه من صنع يدي الجميلتين ان شاء الله تحبونها وتكون خفيفه عليكم وتعجبكم يارب
ابد بالمقادير
كاسه حليب جاف
كاسه جوز هند
علبه قشطه
ثلث او 3/4كاسه سكر
ربع كاسه زيت
ملعقه بيكنج بودر
ملعقه فانيليا
بيضه واللي يبغى ييستغني عنها عادي...
طيب نجي للطريقة
ناخذ كوب الحليب ونحمصه الين يسير لونه ذهبي مثل اللي بالصوره
وبعدها نخلط جميع المقاديرونسيت نضيف كمان كاسه ماء لاني اصلا ماتذكرتها الا وانا اجمع المقادير وبعدين نخلطها كلها ماعدا القشطه ناخذ نصفها ونترك النصف الاخروندخلها الفرن
ونحسب لها ربع ساعه او ثلث ساعة او الين تتماسك ويبدا التشقق واضح على السطح وراح تسير مثل اللي بالصوره
وبعد مانطلعها من الفرن نضيف عليها باقي علبه القشطه وانا عن نفسي اخذ علبتين قشطه من الحجم الصغير وحده احطها مع الخلطه والثانيه على الوجه....
وبعدين نوزعها على كامل الطبق
وانا بصراحه من الناس اللي مايتقبل القشطه كذا ساده بس مع هذا الحلى يطلع الطعم غيييير...
عوااااااااااافي واتمنى انكم تحبونه وياليت تعطوني ارئكم ياحلوات ولاتبخلون عليه بالتطبيق لمن ارادت....
اعذروني على الصور شويه كبيره وقريبه بس كنت مستعجله عشان بيجيني ناس .....
وهذا انا نزلته بمنتدى ثاني بس نسخته هونا عشان تعب التحميل والا والله انا اللي سويته....