كيف الحال بناات إن شاء الله بخير وصحة وعاافية ياارب ..
هذا الحلى من غير ما أوصف وأقول أشعار فيه .. أحسه لذيذ بجد
ماأدري ليش ؟!! أستلذ وأنا آآكله .. ماأدري أيش السر اللي فيه ..:32:
سويته كذا مرة ودائماً يعجب اللي يذوقه عن جد .. وأعطيهم الطريقة ..
أحس كلمة مميز قليل عليه .. :p
أنا ماخذه المقادير من كتاب نستلة علماً بإنه فاز بالجائزة الثانية ..
أنا غيرت فيه الشيء القليل ..
نبدأ أول شي بالمقادير :
الطبقة الأولى :
½ كأس زيت - ½ كأس سكر –
½ كأس فستق ناعم ( أنا أحط مجروش لإنه أحب أتلذذ بطعم المكسرات في الحلويات )
علبة بسكويت شاي مكسر كسر صغيرة – 4 بيضات ( أنا أحط 3 بيضات )
وبكوني نقصت البيض فلازم يحتاج بديل فـ أضيف من عندي قليل حليب سائل
الطبقة الثانية :
علبة قشطة (170جم) – جبنة كريمة ( 210جم) أنا أحط مايعادلها من الكيري تقريباً 10 حبات -
½ علبة حليب نستلة المكثف المحلى ( 397جم)
طريقة التحضير :
نخفق البيض والزيت والسكر جيداً ..
ثم نضع عليه البسكويت المجروش لاحظوه في الصورة ..
ويخلط .. ثم نضع عليه الفستق المجروش لاحظوه في الصورة ..
وتصب في الصينية المدهونة ولاحظوا سماكة الخليط .. مايصير سائل لا يصير
ثقيل شوي .. وهنا الصورة ..
وتدخل في الفرن حتى تتماسك وهنا الصورة ..
نخرجها من الفرن وتترك حتى تبرد . ..
انتظروا حبايبي شوي لا حد يرد حتى أكمل الصور والطريقة:time: ..
نخلط المقادير الثانية مع بعضها في الخلاط
هنا صورة للمقادير الثانية ..
وتصب على وجه الصينية .
ونضعها في الثلاجة إلى أن تبرد تماماً .
توضع في الفرن مرة أخرى مدة 10 – 15 دقيقة تقريباً حتى تستوي الطبقة العليا وحمريها من الأعلى .
أخرجيها من الفرن حتى تبرد أو تصبح دافئة ثم ضعيها في الثلاجة مرة أخرى لتتماسك جيداً وتبرد تماماً ..
قطعيها ثم قدميها ..
للأسف الخطوات الأخيرة نسيت أصورها ..
والأهم في طبق التقديم .. راح عن بالي لإني كنت مستعجلة وباخذها معاي بيت عمي ...
بس رجعتي للبيت صورتها لكم وهي في الصينية ..
عاد تعرفون الباقي كل اللي على الحواف .. لإن اللي في الوسط حطيتهم كلهم في الطبق ..
و أخذت لكم قطعتين وصورتهم لعيونكم ..
وهنا صور من قريب ..
لا حظوا الطبقتين كيف صايرين ..
يااربي اشتهيت منه ..
أتمنى يعجبكم هالحلا مثل ما عجبني وعجب كل من ذاقه .. وعلى فكرة اسمه
حلا الفستق
7
7
من فرحتها بالحلا تبغى تنزله نسيت تكتب اسمه خخخخخ
الأهم إنكم ماتشوفون الكمية صغيرة وتحطونها في صينية صغيرة .. لأ ,,,
حبايبي حطوها في صينية حجمها مثل حجم الصينية اللي باينه في الصور ..
عشان تكون خفيفة ولذيذذذذذذذذة ...
ها الحين أيش رايكم .. :cook:
اتمنى تجربوه وتعطوني خبر ..