حلانا اليوم سهل
انا اعتمدته دايما خصوصا لمن اكون مستعجلة
وطعمه حلو ويواجه
نبدا بالمقادير " ما اعتمد على مقدار معين كله عندي بالنظر "
بسكويت شاي مطحون
زبدة
حليب مركز
كاكاو
هيرشي
كيري
اعواد اسنان
________________________
الخطوة الأولى
ناخذ نص مقدار البسكويت المطحون والزبدة ونفركهم مع بعض
وبعدين نحط الحليب المركز ونعجنهم مع بعض
نجيب الباقي من البسكويت ونفركه بالزبدة الباقية ونضيف كاكاو بودرة زي ماتحبي الكمية
ونعجنهم كمان مع بعض
وبعد كذا حيصير عندي كورتين من عجين البسكويت " عادي - بالكاكاو "
بعدين نحط فالخلاط جبنة كيري وحليب مركز ونخلطهم ويصير عندنا قوام ثقيل ولذيذ
نجيب صحن التقديم ونحط فيه بسكويت مكسر ومطحون شوي فالآرض
عشان الحلا مايلصق
ونبدأ نكور الحلا بالشكل الي نحبه .. انا هنا سويت عادي وكاكاو وجزء مخلوط مع بعض
وبعدين نضيف الخليط المكون من جبنة الكيري والحليب المركز لين نغطي نص الكور تقريبا
ونزينه بالهيرشي
وبالعافية على قلوبكم
لا احلل نقل مواضيعي