السلام عليكم بنات حواء ان شاء الله تكونون بخير ومن تحبون :heart:
اليوم جاء على بالي اصلح حلى فاخترت حلى الأوريو وهو شبيه لحلى الزبادي اللي احبه و مجنونه فيه وولدي بعد يعجبه كثير فلقيت هذا الحلى نفسه مع الإختلاف بشي بسيط
ان شاء الله يعجبكم
الطبقه الأولى لصينية بايركس صغيره
6 كيس اوريو مطحون ( نشيل الطبقه البيضاء )
نصف اصبع زبده طريه
1ملعقه كبيره قشطه
نعجن البسكوت والزبده والقشطه ونرص في اسفل الصينيه او صينية الكب كيك حسب الشكل اللي تبغين
الطبقه الثانيه
1 علبة زبادي
2 كوب حليب بودره
2 فنجال سكر
6 حبات جبن كيري
لون طعام احمر ( حسب الرغبه )
كلهم على بعض بالخلاط راح يكون ثقيل حاولي بالملعقه تخلطين حتى يكون سائل ونصب فوق طبقة الأوريو
وهنا شكله بالصينيه
ندخله بالفرن من فوق حتى يتماسك و ننتبه انه ما يتحمر
وهنا بعد ما خلصت الطبخه :heart:
:angry::angry::angry:
الزينه استخدمت الدريم ويب بإمكانكم تبتكرون اي زينه تحبون مثل كاكاو مذاب او هيرشي اللي تحبون
وفي امان الله وحفظه:icon35: