حلى البخووووووووور

السلام عليكم ورحمة الله وبركاته


كيفكم ياحلويييين

انا اول مرة ادخل قسم الحلويات لاني داااااااااااايما بقسم الشعر (مجنونة زيوت)
بس امس رحت عزيمة وشفت حلى لاتقولو لعدوكم عليه

صدقوني الكل بينبهر بشكله قبل طعمه


والكل بيسالك الف سؤال قبل لا ياكله
والاحلى طريقة تقديمه


المهم انه لاحد يسالني عنه لاني بانقللكم الوصفه زي ماقالتها لي اللي سوته
اوك..


المقادير
2 كيس شعيرية باكستانيه
1 اصباع زبدة
2 ملعقة زبدة فول سوداني
2 ملعقة شوكلاتة نوتيللا
1 علبه حليب مركز(نستله) (والله اعلم ان الحجم الوسط)
بسكوت اوريو للتزيين



الطريقه

تاخذي الشعيريه وتكسريها صغار وتحمسيها مع الزبدة عالنار لين يصير لونها ذهبي
وبعدين تشيليها وتحطي عليها الفول السوداني والنوتيللا والحليب المركز
وتخلطيها ثم تكوريها كور وسط بحجم كور البخور
بعدين تاخذي الاوريو وتشيلي الكريمه اللي بالنص (مانحتاجها) بس تاخذي البسكوت الاسود وتطحنيه مهروش (مو ناعم مرة خشن شوي) وتدرمغي الكور في البسكوت (تدردبي الكور في البسكوت) بلفظ اخر( تدحرجي الكور في البسكوت) ودخليه التلاجه عشان يجمد شوي


بكده يكون انتهى الحلى
نجي للتقديم


تجيبي اطلق واكبر واشيك مبخرة عندك وتحطي عليها من فوق اما قصدير او ورق ابيض اللي يجي مخرم او اي شي المهم وتحطي فيها الحلى ووتقدديميه للضيوف وشوفي ردة فعلهم وتعالي بشريني


سي يو ياحلويييين