مالنا بالطويلة ...من منطلق ( خبص ليس كله كويس)
ومن منطلق ( الفاضي يعمل قاضي )
ومن منطلق ..>>> اقول ورا ما تلفقينها وتخلصين
الموهيم قلت لنفسي يا بنت دام ما عندك دوام اليوم بالكلية وانت تحوسين بذى الضحويه بالمطبخ ورا ما تسوين حلى..؟!
قلت لنفسي : مافي مشكل سوي حلى
وادور بذا الدواليب عن مقادير .. مالقيت شيئ
قلت يا بنت الجود من الموجود وانت ام السنع واي شيئ من تحت دياتك عسل
والله لقيت بسكوت ماري ..قمت وكسرته بيديني ورميته بصينية
ولقيت ..كريم كرم الله..( وفي بعض اللهجات =كريم كرميل)
وسويته على النار مع الحليب كالعادة
شوفوا وش صار بعدها بالصور
شفت منظر البسكوت لحاله ما جازلي ..قلت خلن ارش عليه السكر المحترق اللي يجي مع الكريم كرميلا
وبعدين هنا شربت البسكوت بالكرميلا بحيث انه ما يصير مطاريس ..لا ..ثقيل كنه سريلاك >>ارحم يا مسلم
وبعدين دخلته الثلاجة وقلت في نفسي يا بنت الشكل ناقص
روحي حوسي بالدولاب غدي يطلعلك شيئ واللاقي بالدولاب
قلت يالله ما يخالف ..واضربها بالخلاط ضربا مبرحا:42:
وحطيت عليها قليلا من الحليب بعلبة القشطة >> توفر مواعين
بس يا بنات عيا يثقل ..قلت ما يخالف كله يزين
واصبه على الخلطة ..بس والله كنه ماء!! وانا اقول معليش يجمد
ما علينا ..رجعنا دخلناه الثلاجة ...قلت يا بنت >>>يا كثر ما تقولين
خليني ازين خشت الحلى ..وانا اللي اطحن كم حبة بسكوت ولقيت بالدولاب بعلبه باقي خلطة السينابون( قرفة وسكر مطحون) وانا اللي احطها مع البسكوت >> بكيفي احد عنده شيئ
ورشيت الوجه زين واحسه شرب الدريم ويب والقشطة ..قلت اشوى
ورجعتو للثلاجة وشربتلي عصيري المفضل >> تراه مفيد للصحة
وانا اتفرج على مخلفات الدمار اللي خلفتها وراي
شوفوا وش لقيت
7
7
7
7
7
7
7
7
7
7
7
7
7
7
لقيت الدريم ويب اثري ما حطيته بالخلاط مع القشطة والحليب ..خخخخخ
وانا اقول وراه خفيف مو راضي يثقل ....
والله اني ضحكت على روحي >>> روحي رياضية ما تزعل
مو هينا المشكلة .. المشكلة ان امي نيمه ما درت عن طبختي المصونة ..الله من الشماته اليوووووووووووم
شكلي بقولها هذا حلى ارسلوه جيرانا ..خخخخخخ
اقول ترا الى الان ما ذقت طعم الحلى بس قلت لازم اعلمكم قبل لا تقوم امي بعدين اخاف يصير فيني شيئ ما عاد اقدر ادخل تهئ بهئ
ولا الحلى ملحوق علية خخخخخخخخ