***حلى البقلاوة ***
نحتاج الى عجينة بقلاوة جلاش فاخره اي نوع تحبينه , مكسرات (فستق , فول سوداني , بيذان)
انا ماكان عندي فول سوداني فاستغنيت عنه ,, سكر , زيت , ماي ورد , هيل وزعفران واذا حبه رشة دارسين قرفه ,,
اول شي نطحن المكسرات اذا هي عدله واذا هي مطحونه ابركها من ساعة بعدين احركها ع النار بس شوي دقائق فقط مجرد ما تطلع الريحة ارفعها من النار ,,
بعدين نطحن السكر ونضيفه للمكسرات ونصب ماي ورد ونحط ملعقة هيل وملعقة زعفران ونخلط الخلطة عدل ما عدل زين ما زين ..
بعدين نفتح عجينة البقلاوة وناخذ رقيقتين فوق بعض ونفرشهم بصينية مدهونة بزيت وتالي بالفرشاه ندهن العجينة بالزيت ونحط كمية من الحشوة عليها ونلفها بشكل رولات الى ان تنتهي الكمية ,,
بعدين نصفهم بصينية الفرن وقبل ما ندخلها للفرن نقطعها بالسكين الى اقسام متساوية ,,
ندخلها الفرن الى ان يشقر لونها ,,
نشربها بالقطر الشيرة على طول وهي حارة ,,
نصفها بصحن التقديم ,,
واذا حابين نغلفها الى حين وقت الاكل مع القهوة ,,
وبالهناء والعافية ..
