حلى البلاليط من وناسه لذيذ ومااااااا ياخذ وقت

السلام عليكم حبيباتي...
عندي لكم حلا لذيييييييييييييييييييييييييييذ ومضمون وأبدا ما ياخذ منج وقت...

المقادير
3/4 كوب بلاليط
3/4 كوب فستق مقطع
1 كريم كراميل
2 دريم ويب
1 قشطه
1/4 كاس الجبن الصغير حليب سايل (وباقي المقادير بالكاس العادي)
بسكوت اولكر3/4 العلبه تقريبا

الطريقه:
قبل ما تبدين تخلطين..
- تفورين البلاليط في الماي عادي وتشخلينه.. خليه في الثلاجه علشان يبرد شوي..
- وفتتي البسكوت بيدج.. يعني مب ناعم مره.. عادي مكسر

الحين..

اخلطي الفستق، الكريم كراميل، الدريم ويب، القشطه و الحليب بالخلاط(خلاط الكيك)
الحين ضيفي البلاليط والبسكوت اللي جهزتيهم من قبل.. واخلطي

بس خلاص فيه اسهل واسرع عن جذي...

الحين اسكبيه في البيركس..
وزينيه بخطوط رقيييييييقه متشابكه من العسل اللي ايي مع الكريم كراميل( يا ويلج إذا عقيتيه)
وخليه في الثلاجه لحين التقديم أحسن علشان يتماسك شوي...

وصدقينييييييييييييييييييييييييييييييييييييييييييييي تراااااااااااااااااااااه لذيييييييييييييييييييذ وانا دايما اسويها الكل يحبها ..
ووناسه ما تعطيج وصفه الا مجربتنها..

وبالعافيه عليييييييييييكن بس ادعولي مب ما تدعووون ترا العصفوره تخبرني.. :)

التجربه خير برهان وننتظر اولى المجربات... :icon28: