ليااان @lyaaan_1

محررة برونزية

حلى الثلث ساعة بس بتحضيرة وطبخه..يعجبكم سهل ولذيذ...

السلام عليكم..

هذا ياطويلات العمر ان شاء الله.. حلا سريع لدرجة اني سويته مرة لزوجي يوم اشتهاه الساعة ثنتين ونص بالليل..وماجت الساعة ثلاث الا حنا ماشاء الله مخلصينه من حلاته....
:23::01:

المقادير:

علبة حليب نستله كبيرة

علبة صعيرة جبن كيري

كوب حليب بودرة مذوب

اربع حبات خبز صامولي

الطريقة:

_ قطعي الصامولي حلقات وغمسي كل حلقة من كل الجهتين بالحليب لكن بسرعة عشان ماتذوب يعني تغميس سريع..

_ صفي الحلقات بالصينية بشكل واقف جنب بعض ..

_اخلطي ( حليب النستلة + جبن الكيري) وصبيه على الحلقات بشكل متساوي ...المهم ان الحلقات تتشبع من الخلطة تمامأ..

_ودخليها الفرن لمدة خمس دقايق تقريبأ...عشان تتماسك الطبقة اللي فوق وتتشربها زين الطبقة الثانية...ويزين بنسكافيه ولا شكولاته بودرة او مكسرات..او ولا شي اذا كنتي مستعجلة .. :o

_ وتؤكل ساخنة...مع نسكافيه او كابتشينو مزبووووط...وحتى اذا بغيتيها باردة تطلع روعة بعد..ان شاء الله تعجبكم سريعة ولذيذة..

وبالعافية جربوها واعوا لي...:cook:

يلزم عليك تسجيل الدخول أولًا لكتابة تعليق.

تسجيل دخول

الـــ القلب ـــكـبـيـر • 20 سنة

تسلم يدك:26:

إحساس الطفولة • 20 سنة

Thank :24: you
ياأحلى شيـــــــــــــــــــف:26: :cook:

رنيم11 • 20 سنة

سلمت يداك
شكله لذيذ وان شاء الله نجربه لكن مافهمت( صفي الحلقات بالصينية بشكل واقف جنب بعض )
يعني تكون بشكل عمودي :26: :26:

الأمل الخالد • 20 سنة

:27: يعطيك العافية وباين انه لذييييذ وفي نفس الوقت سهل وسريع التحضير ويسلموووووووووو :26: :26:

ليااان • 20 سنة

الـــ القلب ـــكـبـيـر

إحساس الطفولة

رنيم11

الأمل الخالد

مشكورين والله يعافيكم.. ان شاء الله تعجبكم..

واختي رنيم11..حبيبتي نفس اللي قلتيه يعني بشكل عمودي جنب بعض لما تمتلي الصينية وطبعأ هنا لازم تكون مستطيلة الصينية مو دائرية..
بالعربي لاتخلينهم( منسدحين) بشكل افقي..

:26: