جايه اليوم وجايبه لكم حلى شكله تحفه إذا شفتيه ماودك تاكلينه بس تناظريبنه ههههههه..
طبعا الحلى شفت طريقته بالمنتدى من عضوه أسمها أم ثامر وياسر لكن كانت الصور موب
طالعه .. وأنا سويته بس بطريقه ثانيه وصورته للغاليات بنات منتداي الغالي.. وسويته
لولدي كان عندهم مهرجان التمر والحليب ...
ونبدأ بالمقادير....
تمر منزوع النوى نحتاج منه كثير لأن الحلى كله بالتمر... أنا جبت الجاهز المنزوع النوى
من محلات التمور.. وهذي صورته
وباقي المقادير سمسم - جوز هند - فستق مدقوق أو مطحون - شعيريه باكستانيه -شوي حليب بودره- طحينة التمر السايله ...
وللزينه شوي بقدونس أو شبت .. وشريحة ليمون... وشوي حليب مركز...
نحط طحينه سايه على التمر وتعجنين وتذوقين لين يصير طعمه حلو..
وتبدأين تشكلين التمر إلى دواير صغيره وتحطين بعضها بالسمسم وبعضها بجوز الهند
وأغلبها بالفستق..
نسوي بعدها جذع الشجره بعمل مربعات صغيره من التمر ومربعات أصغر مثل الصوره
وبعدين تحمسين الشعيريه مع الحليب البودره لين تصير بني فاتح وتحطين المربعات فيها
وممكن تحطينها دواير ... وتسوين ثنين طوال كأنهم أغصان...
بعدها تبدأين بوضعها في الصينيه وتحطين شوي نستله بالملعقه علشان تلصق الدواير...
وتحطين العشب بالبقدونس أو الشبت والشمس حلقة ليمون وإذا عندك ملون سماوي تحطيه
سماء للأسف ماكان عندي... والأرض دواير السمسم وأوراق الشجر دواير الفستق..
وغيوم بدواير جوز الهند....
وهذا شكله بعد صفه بالصينيه ....
"]
يالله أبي رأيكم بصراحه....
اعجبني الشكل كثير
الله يعطيك العافيه