هذا أول موضوع لي في هذا القسم الحلوو:42:
جايبه لكم طريقه حلى حلووو مره وشكله أحلى
هو منقول للأمانه وحبيت أنقله لكم
و ياليت كل وحده تدخل وتقرأ الموضوع تدعي لي:( تكفون
الحلى إسمه ما اعجبني حبيت أغير إسمه لحلى القش أو الخيش بكيفكم عاد أنتم
المقادير ::
بسكوت ( اولكر او هلال ) أو أي بسكوت شاي
علبة قشطه
فنجال شاهي سكر
نص فنجال زيت
3 ملاعق حليب بودره
3 ملاعق شوكلاته بودره
نستله الحليب المركز
شعيريه باكستانيه
الطريقه
1 /نخلط كل المقادير مع بعضها بدون ( الشعيريه و النستله والبسكوت) هذولي نخليهم على جنب
/ ناخذ البسكوت ونقصه بالسكين بحيث انه يصير ثلاثة رباع حجمه الطبيعي زي الصوره..
/ نغمس البسكوت بالخلطه اللي سويناها قبل
ونسويه ثلاث طبقات زي كذا ..
طيب بعد مانسوي الكميه اللي قصيناها من البسكوت وخلصنا نحطهم بالفريزر لمده ماتقل عن ساعه
عشان تجمد الشكولاته وتتماسك
4/ نكسر الشعيريه الباكستانيه كسر صغيره مرره ونحمسها ع النار لحد ما تتشقر
/ نطلع البسكوت من الفريزر ونغمسه بالنستله وبعدين يقلب بالشعيريه
نجي عاد لطريقة التقديم
نقصص من خيشة الرز او خيشة القهوه حبال زي اللي بالصوره لانه راح نستخدمهم بربط مربعات الحلا..
( ماننسى اذا قصيناهم نغسلهم )
ناخذ الحبال ونربط فيهم المربعات ويطلع عندنا الشكل التالي ::
ربطناهم وخلصنا نجيب صينية التقديم ونحط عليها ورق الحلى وندهنها بشوية نستله ونحط عليها سميد ..
نجـــــــــــي عاد للشكل النهائي
...
إن شاء الله الحلى يحوز على رضاكم
بما ان الصور ميب طالعه لكم بشرح لكم الحلى ان شاء الله تفهمون بدون صور
بس بحاول اشرحها لكم عشان تستوعبون الفكره
البسكون تقطعين أطرافه وشوي منه بالسكين بحيث يصير مربع صغير
وبعد ما تغطسينه بالشوكولاته وتحطينه بالفريزر اقل شي ساعه غطسيه بالنستله الحليب المركز وغطسيه بالشعريه المكسره وتكون محموسه وصار لونها اشقر لازم تكون مكسره تكسير ناعم
بعد هذي الخطوه بيصير شكل البسكوت بالضبط بالضبط كأنه قش سبحان الله
بس لتزين نجيب شريطه من الخيش اللي يجي في كيس الرز او القهوه ونقصه قص رفيع مره بعد ما نغسله زين عشان بنربط فيه البسكوت اللي صار زي القش نربطه زي ربط الهديه وبكذا يصير قش حقيقي وصاحبة الحلى حطة البسكوت فوق بعض كأنه قش فوق بعض وحطت في طرف الصحن بقره لعبه وشكل رجال كأنه راعي تشبيه منها بالقش
تقدرون تستغنون على البقر والراعي بكيفكم
اللي ما تفهم تقول لي اشرح لها
ولو سمحتوا ادعوا لي انا ما ابي شكر ابي الدعاء بس ان الله يحقق لي ما اتمنى يارب بكرمه
بس للأسف ماطلعت الصور
شاكرة جهودك