المقادير على حسب الحاجة
بسكوت دايجسيف سادة
تمر ( مزال النواة ومقطع صغير )
سنيكرز
شوكولاتة خام
( أنا تقريباً خليت كمية التمر أكثر من كمية السنيكرز بشوي )
الطريقة
نذوب السنيكرز بحمام مائي
نحط التمر بخلاط ( مفرمة البصل ) ونضيف عليه السنيكرز وهو ما زال ساخن ونطحن ( الخلط يكون متقطع علشان ما يخرب الخلاط لأن الخليط بيكون ثقيل )
نشيل الخليط من الخلاط ونكمل عجنه باليد ( الأفضل يكون التمر المستخدم لين شوي )
ناخذ قطعة صغيرة من خليط التمر ونمدها باليد على شكل قرص ونحاول نثبته على الدايجسيف بشويش علشان ما يتكسر البسكوت
نذوب الشوكولاتة الخام بحمام مائي
نغمس الدايجسيف في الشوكولتة بحيث يغطي خلطة التمر
نزين الوجه بشوي بسكوت دايجسيف مفتت
نبرد الحلى في الثلاجة ويقدم
الطعم رووووعة مع إن المقادير ما فيها شيء غريب لكن الكومبنايشون ( اختلاط المقادير مع بعض ) يعطي طعم مميز