كيفكم صبايا اليوم كنت صائمه الله يتقبل منا ومنكم عاشورا وقلت نفسي في حلا بارد ولو الجو مايساعد
بس طعمه روعه ومو بارد مرررررررررررره لا زي باسكن ولذيذ مره
المهم تفضلو المقادير
2 باكيت دريم ويب
2علبة اناناس
حليب بودره ملعقتين
ملعقة جبن سائل بوك كبيره
2علبة قشطة
2بسكويت شاي
الطريقه=
نحط في الخلاط علبه واحده اناناس مع المويه حقتها والقشطه والجبن والحليب والدريم
ونضربه جيدا
بعدين نحضر بايركس ونكسر باكيت بسكويت شاي فيه ونفتح علبة الاناناس الثانيه وناخذ المويه حقتها ونرش بها البسكوت الي في الصينيه
ونصب عليه نص الخلطه الي ضربناها
وبعدين نجيب الاناناس الي باقي من العلبه الثانيه
ونقطعه صغار ونوزعه على الصينيه
زييين ونجيب الباكيت البسكويت الباقي ونرصه طبقه على الاناناس بعد غمسه في ماء الاناناس
واخر شي نصب باقي الخليط
وممكن نزينه بقطع الاناناس او البسكوت المطحون ويدخل الثلاجه وبالعافيه على قلوبكم
