شلونكم يابنات
اليوم بحط لكم طريقتي في عمل حلى السميد
والله يجزي الخير بنت عمتي ام محمود هي اللي علمتني طريقة هذا الحلى
المقادير
مثل ما هي واضحه في الصوره
2 كأس حليب بودره
4 كاسات ماء
3 بيضات
نصف كأس سميد
3 فناجين سكر
ماء ورد + هيل + زعفران
تخلط جميع هذه المقادير وتوضع على النار
تخلط بمضرب السلك الى ان تغلظ وتكون بهذا الشكل
ثم يسكر النار على الخليط ويصب في صحن التقديم
نكون مجهزين فستق مطحون وعلبة قشطه
نترك الخيط حتى يبرد شوي
ثم نمسح القشطه على الوجه
وتزين بالفستق المطحون
وما شاء الله الكميه تكون كبيره شوي
فحطيتها في صحن ثاني
ولا تنسون لازم نحطها في الثلاجه حتى تبرد
وعوافي على قلوبكم
ولا تنسوني من دعائكم
ومع السلامه
