حلى السنكرس... مايحتاج امدح...خذوا الطريقة واحكموا....

السلام عليكم.... عندي لكم هالحلى وان شالله مايكون موجود بالمنتدى من قبل...المهم ان كلمة روعة قليلة عليه...وميزته انك تقدرين تسوينه بصينية وحدة او بالكاسات.....

ولو انا مسويته اليوم كان صورته لكم....<<< بس والله عجزانة وماعندي مقاديره اليوم...<<< يازينك ساكتة.... :D

على العموم خذوا الطريقة والمقادير....

كيك رول امريكانا الكاكاو....

سنكرس من خمس الى سبع حبات متوسطة الحجم

نص قالب زبدة او اقل شوي

علبة قشطة

نصف كوب حليب بودرة جاف

نصف كوب ماء

3 اكياس دريم ويب

شوي من الكاكاو البودرة المر

ــــــــــــــــــــــــــــــــــــــــــــــــــــــــــــــــــــــــــــــ

الطريقة...

صفي الكيك الرول بعد تقطيعه حلقات بالصينية او بالكاسات...

الزبدة والسنكرس والقشطة على النار ( حمام مائي)

وصبيهم على الكيك بعد مايتجانسون مع بعض...ودخليهم بالثلاجة او الفريزر...

بهالوقت...انتي سووي الطبقة الثانية:

اخلطي الماء مع الحليب البودرة والدريم ويب بالخلاط....

خذي ربع الكمية واخلطيها مع الكاكاو البودرة....

صبي الخلطة الاولى شوي على شكل خطوط...وشوي من الخلطة الغامق بنفس الطريقة لما ينتهون وتكون على شكل رخامي....

ودخليهم الثلاجة او الفريزر لوقت الاكل.....بس ترا الافضل ماتترك برا واجد يعني لازم تاكليها بااااردة احسن....
ــــــــــــــــــــــــــــــــــــــــــــــــــــــــــــــــــــــــــــــ

جريوها صدقوني بتعجبكم وتعجب ضيوفكم....بس نصيحة لايسويها الا النحيفات اما غيرهم لأ..... :30: