**@حلى السينبون ولا أسهل ولاألذ بس حياكم@**

أتيت وفي جعبتي (حلوة جعبتي ركزوا عليها تراها سر الحلى ) حلى السينبون مميزاته سهل ولذيذ واغراضه متوفره في البيت ومايحتاج فرن ولا غيره لأني أحب البطبخ بس وايد كسوله كاني بكتب لكم سيرة حياتي المهم عزيزاتي نرجع حق طبقنه اليوم واللي أهو مثل ماذكرته مافي داعي اعيد وازيد
المقادير نحتاج إلى :
كيس روتي سليس ونشيل اطرافه
1 قيمر كي دي دي
1قيمر عادي
علبة حليب محلى مركز
8قطع جبن كيري
جوز مفروم خشن
قرفة
صلصة هيرشي الشوكلاته
الطريقة :
تصف طبقة واحدة من الروتي في بايركس وبعدين نخلط القيمر بنوعية والحليب والجبن في خلاط العصير
ويصب نصفه على طبقة الروتي ثم يرش بالجوز والقرفة والهيرشي ثم نضع طبقه روتي ونضع باقي الخلطة ونرش الجوز والقرفة ويزين بالهيرشي ويدخل الثلاجة ثم يقطع ويقدم وناكله بالهنا والعافية على قلوبكم أتمنى ان يعجبكم ولاتبخلون علي بردودكم كتشجيع على الأقل واللي تطبقه تخبرني عن رايها أتقبل الأراء برحابة صدر